Հայերէն ուղղագրիչներ

Արագ ու ծանօթ միջերես

Ուղղագրիչը շատ դիւրին է գործածել։ Գրած ատենդ անծանօթ բառերը կարմիրով կը ստորագծուին։

Սխալը շտկելու համար բառին վրայ աջ-կտտէ՛ եւ ընտրացանկէն զատէ՛ այն բառը որ նկատի ունէիր։

Ընդարձակ բառապաշար

Աւելի քան 150,000 բառոյթ (lexeme) եւ հինգ միլիոն բառաձեւ կը ներառեն հայերէն բառապաշարի գրեթէ ամբողջ ծաւալը։

Արեւելահայերէն եւ արեւմտահայերէն

Կ՚ընդգրկէ թէ՛ արեւելահայերէնի, թէ՛ ալ արեւմտահայերէնի ձեւաբանական կանոնները։

Ինչպէս ալ գրես՝ «Ես սիրում եմ» թէ «ես կը սիրեմ», «Երեւանում» թէ «Երեւանի մեջ», ուղղագրիչը երկուքն ալ պիտի հասկնայ։

Արդի ուղղագրութեան համար

Այժմ Google Chrome-ը կը գործէ հայերէնի արդի («սովետական») ուղղագրութեամբ, որ լայն տարածութիւն ունի Հայաստանի Հանրապետութեան մէջ։

Կը յուսանք թէ ապագային Google ընկերութիւնը հնարաւորութիւն պիտի տայ աւելցնել նաեւ աւանդական ուղղագրութեան տարբերակը։

Եթէ դասական ուղղագրութիւնն է ձեզ հարկաւոր, կ՚առաջարկենք օգտագործել HySpell ուղղագրիչը Firefox-ի համար.

Կը գործէ ամէն տեղ

Այլեւս պէտք չունիս մտահոգուելու ուղղագրական սխալներէդ երբ որ Facebook-ի կարգավիճակ կամ նամակ կը շարադրես, Gmail-ի ել-նամակ կը գրես կամ Wikipedia-ի յօդուած կը խմբագրես։ Ուղղագրիչը կը գործէ որեւէ համացանցի կայքի՝ որեւէ տուփիկէն ներս ուր կրնաս հայերէն գրել։

Ընդլայնելի բառապաշար

Անծանօթ բառ մը կրնաս աւելցնել բառապաշարին՝ անոր վրայ աջ-կտտելով եւ ընտրելով Add to dictionary։

Windows-ի եւ Linux-ի համար

Հայերէն ուղղագրիչը Google Chrome-ի համար այժմ կը գործէ Windows եւ Linux սեղանադիր համակարգերուն համար։

macOS-ի պարագային, Google Chrome-ը կ՚օգտագործէ macOS համակարգին կողմէ տրամադրուած ուղղագրիչը։ Հետեւաբար, այժմ հայերէն ուղղագրիչը չի գործէր macOS-ով։ Փոխարէնը՝ macOS-ի համար կրնաք գործածել Firefox, Thunderbird կամ LibreOffice ծրագրերուն համար նախատեսուած հայերէնի ուղղագրիչները։

Տե՛ս նաեւ

Կարգաւորման Ուղեցոյցը (անգլերէն)՝ Armenian Spellchecker for Google Chrome — Config Guide.

Գործածման Ուղեցոյցը (անգլերէն)՝ Armenian Spellchecker for Google Chrome — User Guide.