HySpell Mozilla Firefox-ի համար
HySpell for Firefox ծրագիրը հայերէնի ուղղագրիչ է Firefox համացանցի զննարկիչին համար։
Անոր միջոցաւ կրնաս ուղղագրութիւնդ ստուգել երբ որ հայերէն կը գրես որեւէ համացանցի կայքի մէջ։
Ուղղագրիչը արդի հայերէնի բոլոր գրաւոր տարբերակները կրնայ ստուգել ― թէ՛ արեւմտահայերէն եւ թէ՛ արեւելահայերէն. թէ՛ դասական եւ թէ՛ արդի ուղղագրութիւն։
Արագ ու ծանօթ միջերես
Ընդարձակ բառապաշար
Աւելի քան 150,000 բառոյթ (lexeme) եւ հինգ միլիոն բառաձեւ կը ներառնեն հայերէն բառապաշարի գրեթէ ամբողջ ծաւալը։
Ե՛ւ արեւմտահայերէնի ե՛ւ Արեւելահայերէնի համար
Կ՚ընդգրկէ թէ՛ արեւելահայերէնի, թէ՛ ալ արեւմտահայերէնի ձեւաբանական կանոնները։
Ինչպէս ալ գրես՝ «Ես սիրում եմ» թէ «ես կը սիրեմ», «Երեւանում» թէ «Երեւանի մէջ», HySpell երկուքն ալ պիտի հասկնայ։
Ե՛ւ դասական ե՛ւ արդի ուղղագրութեան համար
Թէ՛ դասական եւ թէ՛ արդի ուղղագրութեան կանոնները ներառուած են։ (Ներբեռնելու ժամանակ ընտրէ՛ դասական կամ արդի ուղղագրութեան տարբերակներէն մէկը)։
Հայերէնի դասական (կամ աւանդական) ուղղագրութիւնը կիրառուած է արեւմտահայերու, իրանահայերու եւ Հայաստանի Հանրապետութեան մէջ այժմ փոքրամասնութեան մը կողմէ։ Մինչեւ 1920-ական թուականները լոյս տեսած ամբողջ հայ գրականութիւնը (արեւելահայերէնը ներառեալ), դասական ուղղագրութիւնով գրուած է։
Հայերէնի արդի (կամ «նոր», «սովետական») ուղղագրութիւնը ստեղծուած է Սովետական Հայաստանի օրօք՝ 1920-ական թուականներէն սկսեալ եւ այսօր ամենատարածուած ուղղագրութիւնն է Հայաստանի Հանրապետութեան մէջ։
Կը գործէ ամէ՛ն տեղ
Այլեւս պէտք չունիս մտահոգուելու ուղղագրական սխալներ կատարելէ՝ երբ որ Facebook-ի կարգավիճակ կամ նամակ կը շարադրես, Gmail-ի ել-նամակ կը գրես կամ Wikipedia-ի յօդուած կը խմբագրես։
Ուղղագրիչը կը գործէ որեւէ համացանցի կայքի՝ որեւէ տուփիկէն ներս ուր կրնաս հայերէն գրել։
Ընդլայնելի բառապաշար
Բոլոր սեղանադիր սարքահիմքերու համար
HySpell for Firefox կը գործէ բոլոր սեղանադիր սարքահիմքերով (desktop platform-ներով) ուր Firefox-ը կարելի է տեղակայել, ներառեալ Windows, macOS եւ Linux.
Տե՛ս նաեւ
Անգլերէն տեղակայման ուղեցոյցը՝ HySpell for Firefox Install Guide։
Անգլերէն գործածութեան ուղեցոյցը՝ HySpell for Firefox User Guide։
