HySpell Thunderbird-ի համար
HySpell for Thunderbird հայերէնի ուղղագրիչ է Thunderbird անվճար ել-նամակ ծրագրին համար։
Անոր միջոցաւ կրնաս ուղղագրութիւնդ ստուգել՝ հայերէն նամակ գրած ատենդ։
Ուղղագրիչը արդի հայերէնի բոլոր գրաւոր տարբերակները կրնայ ստուգել ― թէ՛ արեւմտահայերէն եւ թէ՛ արեւելահայերէն, թէ՛ դասական եւ թէ՛ արդի ուղղագրութեամբ։
Արագ ու ծանօթ միջերես
Ընդարձակ բառապաշար
Աւելի քան 150,000 բառոյթ (lexeme) եւ հինգ միլիոն բառաձեւ կը ներառնեն հայերէն բառապաշարի գրեթէ ամբողջ ծաւալը։
Ե՛ւ արեւմտահայերէնի ե՛ւ Արեւելահայերէնի համար
Կ՚ընդգրկէ թէ՛ արեւելահայերէնի, թէ՛ ալ արեւմտահայերէնի ձեւաբանական կանոնները։
Ինչպէս ալ գրես՝ «Ես սիրում եմ» թէ «ես կը սիրեմ», «Երեւանում» թէ «Երեւանի մէջ», HySpell երկուքն ալ պիտի հասկնայ։
Ե՛ւ դասական ե՛ւ արդի ուղղագրութեան համար
Թէ՛ դասական եւ թէ՛ արդի ուղղագրութեան կանոնները ներառուած են։ (Ներբեռնելու ժամանակ ընտրէ՛ դասական կամ արդի ուղղագրութեան տարբերակներէն մէկը)։
Հայերէնի դասական (կամ աւանդական) ուղղագրութիւնը կիրառուած է արեւմտահայերու, իրանահայերու եւ Հայաստանի Հանրապետութեան մէջ այժմ փոքրամասնութեան մը կողմէ։ Մինչեւ 1920-ական թուականները լոյս տեսած ամբողջ հայ գրականութիւնը (արեւելահայերէնը ներառեալ), դասական ուղղագրութիւնով գրուած է։
Հայերէնի արդի (կամ «նոր», «սովետական») ուղղագրութիւնը ստեղծուած է Սովետական Հայաստանի օրօք՝ 1920-ական թուականներէն սկսեալ եւ այսօր ամենատարածուած ուղղագրութիւնն է Հայաստանի Հանրապետութեան մէջ։
Ընդլայնելի բառապաշար
Բոլոր սեղանադիր սարքահիմքերու համար
HySpell for Thunderbird կը գործէ բոլոր սեղանադիր սարքահիմքերով (desktop platform-ներով) ուր Thunderbird-ը կարելի է տեղակայել, ներառեալ Windows, macOS եւ Linux.
Տե՛ս նաեւ
Տեղակայման ուղեցոյցը (ագնլերէն)՝ HySpell for Thunderbird Install Guide։
Գործածութեան ուղեցոյցը (անգլերէն)՝ HySpell for Thunderbird User Guide։
