Հայերէն ուղղագրիչներ

Ընդարձակ բառապաշար

Աւելի քան 150,000 բառոյթ (lexeme) եւ հինգ միլիոն բառաձեւ կը ներառնեն հայերէն բառապաշարի գրեթէ ամբողջ ծաւալը։

Արեւելահայերէնի եւ արեւմտահայերէնի համար

Կ՚ընդգրկէ թէ՛ արեւելահայերէնի, թէ՛ արեւմտահայերէնի ձեւաբանական կանոնները։

Ինչպէս ալ գրես՝ «Ես սիրում եմ» թէ «ես կը սիրեմ», «Երեւանում» թէ «Երեւանի մէջ», HySpell երկուքն ալ կը հասկնայ։

Դասական եւ արդի ուղղագրութեան համար

Թէ՛ դասական, թէ՛ արդի ուղղագրութեան կանոնները ներառուած են։ (Որեւէ պահին միայն մէկ ուղղագրութիւնով կարելի է գործել՝ ըստ ձեր կարգաւորման։)

Հայերէնի դասական (կամ աւանդական) ուղղագրութիւնը կիրառուած է արեւմտահայերու, իրանահայերու եւ Հայաստանի Հանրապետութեան մէջ այժմ փոքրամասնութեան մը կողմէ։ Մինչեւ 1920-ական թուականները լոյս տեսած ամբողջ հայ գրականութիւնը (արեւելահայերէնը ներառեալ), դասական ուղղագրութիւնով գրուած է։

Հայերէնի արդի (կամ «նոր», «սովետական») ուղղագրութիւնը ստեղծուած է Սովետական Հայաստանի օրօք՝ 1920-ական թուականներէն սկսեալ եւ այսօր ամենատարածուած ուղղագրութիւնն է Հայաստանի Հանրապետութեան մէջ։

Ընդլայնելի բառապաշար

Անծանօթ բառ մը կարելի է աւելցնել բառապաշարին՝ նշելով բառին ուղիղ ձեւը եւ անոր տեսակը (գոյական/ածական, բայ կամ չթեքուող). Անկէ ետք HySpell-ը կը ճանաչէ բառին ուղիղ եւ բոլոր թեք ձեւերը։

Կ՚աշխատի Microsoft Word-ի եւ Outlook-ի հետ

HySpell for Microsoft Office ծրագիրը բաղկացած է երկու մասէ ― HySpell for Microsoft Word եւ HySpell for Microsoft Outlook։

Microsoft Windows-ի համար

Այժմ HySpell for Microsoft Office ծրագիրը կը գործէ միայն Microsoft Windows համակարգով։

Տե՛ս նաեւ

Տեղակայման ուղեցոյցը (անգլերէն)՝ HySpell for Microsoft Office Install Guide։

Գործածութեան ուղեցոյցները (անգլերէն)՝ HySpell for Microsoft Word User Guide եւ HySpell for Microsoft Outlook User Guide։