Անվճար հայերէն ուղղագրիչ
Ստացի՛ր HySpell-ը հիմա
 Բառարան
տտուն գոյական (թռչունի, ձուկի) Պոչ:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 460։


ՏՏՈՒՆ
գոյական
    1. տուտ, պոչ, ագի, ձետ։
    2. (աղօրիքի ձագարի՝) չխչխիկ։

Աղբիւր՝ Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): էջ 502
ՆՈՐ
✽հազուադէպ բառ ՏՏՈՒՆ
գոյական
⨀հին նշանակութիւն 1. Տե՛ս Տուտ, Տուտն։
＋գաւառական նշանակութիւն 2. Տե՛ս Չախչախ։

Աղբիւր՝ Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): էջ 2206
ՆՈՐ
(beta)
ԱԳԻ
գոյական պոչ։

Տեսակներ
— Ականջի՝ բլթակ, ականջթոռ, բլիթ.

— Աղօրիքի, ձագարի՝ չխչխիկ.

— Գիսաւոր աստղի՝ գէս.

— Թագաւորական թագի՝ որ իբրեւ ծամակալ կը գործածուէր՝ ապարօշ.

— Թոքի՝ թոքաբոյթ.

— Թռչունի եւ ձուկի՝ տտուն.

— Լեարդի՝ լերդաբոյթ.

— Հանդերձի՝ փէշ, բէժ, քղանցք, աշխորդ, խշտուկ.

— Մազի հիւսուած՝ հիւսկէն, վարսամ.

— Մարդու՝ որ կը կազմուի ողնասիւնի վերջին տասնեակ մը ոսկորներով, որոնք ծածկուած են յետոյքի միսերուն մԷջ՝ թրքերէն փէօչ, որ համազօր է մեր պոչին։
‣ փէօչը ինկած է.

— Շան, աղուէսի, առիւծի մազոտ՝ ձետ.

— Ոլորուած թելերու (դերձան)՝ ծոպ.

— Ոչխարի՝ դմակ.

— Պատարագիչ եպիսկոպոսի կամ կաթողիկոսի վակասի՝ արտախուրակ.

— Սողունի՝ տուտ.

— Վարագոյրի՝ վրանի ծոպաւոր՝ ապարում, խանթուռ.

— Վրանոցի՝ դարձք։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 10
ՆՈՐ
(beta)
ՊՈՉ
գոյական
    1. չորքոտանի կենդանիներու ողնաշարի շարունակութիւնը, որ մարմնէն դուրս կ՚երկարի. ագի, ձետ.
    2. սողուններու ետեւի նեղցած ու երկար մասը.
    3. թռչուններու ետեւի կողմը բուսնող երկար փետուրները՝ փետրափունջը.
    4. մարդու ողնաշարի ներքեւի սուր ծայրով վերջամասը.
    5. ընդհանրապէս՝ կախուած, ետեւէն քաշուող առարկայ.
    6. (Փոխաբերական իմաստ) շարժման մէջ եղող որեւէ բանի վերջամասը (սովորաբար հիմնական մասէն նեղ կամ բարակ).
    7. օդանաւի յետնամաս.
    8. կնոջական հագուստի երկար քղանցք, որ կը քաշուի գետնին վրայէն.
    9. պտուղներու կոթ.
    10. զանազան գործիքներու կոթ՝ բռնատեղ.
    11. իրարու ետեւէ շարքի կեցած մարդոց խմբակ. հերթ.
    12. (Փոխաբերական իմաստ) շարժման մէջ եղող թափօրի՝ զանգուածի եւ այլնի վերջամասը.
    13. թելի ծայր.
    14. տառերու՝ գիրերու վարի բարակ մաս.
    15. (Փոխաբերական իմաստ) մէկուն շարունակ հետեւող, անկէ չզատուող (մարդ)։

Տեսակներ
— Աստղի՝ գէս:

— Աղօրիքի դոխին մէջ՝ չխչխիկ:

— Թաւամազ՝ ձետ:

— Հագուստի՝ տտուն:

— Ձարաւոր՝ ագի։

— Շան պոչ՝ ձեւի՝ կարգի չմտնող բան՝ մարդ:

— Ոչխարի՝ դմակ։

— Պզտիկ՝ պոչիկ, պոչուկ։

— Պոչը, կտրած՝ պոչատ։

Բաղադրեալ Բայեր
Պոչ բռնել
ներգործական բայ իրարու ետեւ կանգնած՝ կարգի՝ հերթի սպասել։

Պոչ դառնալ, պոչ ըլլալ
չէզոք բայ
    1. առանց հրաւէրի, մէկուն ընկերանալ, անցանկալի ուղեկից՝ ընկեր դառնալ.
    2. մէկուն շարունակական հետեւորդը ըլլալ։

Պոչ խաղցնել
ներգործական բայ
    1. մէկէն ակնկալութիւն մը ունենալով՝ շողոքորթել.
    2. խորամանկութեամբ բանի մը միջամտել՝ մատ խառնել.
    3. խորամանկութիւն ցուցաբերել.
    4. գործը իր ժամանակին չհասցնելով՝ պատրուակներ ցոյց տալ.
    5. յանկուցիչ ձեւեր ընել հաւնուելու համար:

Պոչ փակցնել
ներգործական բայ անհիմն կերպով մէկը զրպարտել, մէկուն վրայ թերութիւն գտնել։

Պոչէն բռնել
ներգործական բայ
    1. փախչիլ ուզողը բռնել, ձեռք անցընել.
    2. ձերբակալել։

Պոչէն բռնել - երթալ
ներգործական բայ նոյն բանը կրկնել՝ երկարել։

Պոչը բաց ձգել
ներգործական բայ ձեռքէ ազատ ձգել, աչքէ՝ տեսողութենէ հեռանալու կարելիութիւն տալ։

Պոչը դուրս գալ
չէզոք բայ յայտնի ըլլալ, գաղտնիքը երեւան ելլել։

Պոչը ծռել
ներգործական բայ բանէ մը խուսափիլ, ինքզինք հեռու պահել։

Պոչը կտրել
ներգործական բայ
    1. մէկը տեղէ մը քշել՝ վտարել. ոտքը կտրել.
    2. պաշտօնէ՝ ծաոայութենէ արձակել.
    3. կտրել, կարճեցնել, կրճատել:

Պոչը ոլորել
ներգործական բայ խեղճացնել:

Պոչը պոչին հասցնել
ներգործական բայ ծայրը ծայրին հասցնել, հազիւ հազ կարենալ ապրիլ։

Պոչը տակը առնել, պոչը տակը նստիլ
չէզոք բայ մէկ կողմ քաշուիլ, կծկուիլ։

Պոչը տնկել
ներգործական բայ
    1. պոչը բարձրացնել.
    2. փախչիլ։

Պոչը տրորել
ներգործական բայ
    1. նեղել.
    2. խիստ պատասխան՝ հակահարուած տալ.
    3. նեղացնել, ուրախութիւնը խանգարել:

Պոչը ցցել
ներգործական բայ Տե՛ս Պոչը տնկել։

Պոչը քաշել
ներգործական բայ
    1. ամօթահար լռել.
    2. ձեռք քաշել, հրաժարիլ.
    3. հեռանալ, փախչիլ:

Պոչը քաշել տալ
ներգործական բայ կարգի կանչել՝ հրաւիրել. զգուշացնել, զսպել:

Պոչին կապուիլ
ներգործական բայ Տե՛ս Պոչ դառնալ:

Պոչին կոխել
ներգործական բայ
    1. սաստել, յանդիմանել.
    2. նեղացնել, ուրախութիւնը խանգարել:

Դարձուածքներ
Աղուէսը իր պոչը վկայ կը բերէ
արդարացման համար մէկը իրեն մօտիկ մարդիկ՝ ազգականներ վըկայութեան կը կանչէ։

Պոչը աղտոտ
յանցանք գործած, ապօրէն բան մը գործած. մեղաւոր, յանցաւոր։

Պոչը կախ
ընկճուած, յուսահատ, տխուր:

Պոչը կտրած
անարգական խօսք:

Պոչով աստղ
գիսաւոր աստղ։

Պոչով սուտ
յայտնի՝ պոչաւոր սուտ։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 2042
ՆՈՐ
(beta)
ՏՈՒՏՆ,
ՏՏՈՒՆ
գոյական
    1. կենդանիներու, մանաւանդ սողուններու պոչ.
    2. զգեստի ծայր՝ վերջ. քղանցք.
    3. կտորի՝ գործուածքի եւ այլնի ծայրերէն ամէն մէկը.
    4. որեւէ բանի սկիզբը կամ վերջը. պոչ, ծայր։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 2305
ՆՈՐ
(beta)
ՏՏՈՒՆ
գոյական ողնասիւնին վարի ծայրամասը, որ կազմուած է իրարու զօդուած անկատար հինգ ոսկորներէ. տուտ.

(Ֆրանսերէն coccyx)։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 2309
ՆՈՐ
(beta)

Նման բառեր
դդում
թթուն
 Գործածութիւն փորձնական 10 մէջբերում 

Գտնուած բառաձեւերու գործածութիւնը

Փնտռել «տտուն» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com