Հայերէն բառարան

Անվճար հայերէն ուղղագրիչ

Ստացի՛ր HySpell-ը հիմա

Հայերէն Հայ | Հայ-Անգլերէն Հայ-Անգ | Անգլերէն-Հայ Անգ-Հայ | Հայ-Ֆրանսերէն Հայ-Ֆրա | Ֆրանսերէն-Հայ Ֆրա-Հայ

Ձեւաբանութիւն

Գտնուած Բառոյթներ

մրցանիշը, մրցանիշներ

Բառարան

մրցանիշ գոյական Մրցումի մը բարձրագոյն յաջողութիւն (ռըքորտ):

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 311։

ՄՐՑԱՆԻՇ

գոյական մրցումով ձեռք բերուած բարձրագոյն նիշ՝ թիւ։

Աղբիւր՝ Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): էջ 344

ՆՈՐ

ՄՐՑԱՆԻՇ

գոյական մրցումի ընթացքին՝ մրցումով ձեռք բերուած բարձրագոյն կամ նուազագոյն նիշ. մրցանականիշ.

(Ֆրանսերէն record):

Բաղադրեալ Բայեր

Մրցանիշ կոտրել

ներգործական բայ
1. յաջողիլ.
2. նախկին մրցանիշէն ասելի լաւ արդիւնք ձեռք ձգել։

Մրցումները եւ պայքարները կրնան տեղի ունենալ անձերու (1, 2, 3 եւ ասելի) եւ խումբերու միջեւ։ Օրինակ՝ շատակերութիւնը կը գործադրուի մէկ հոգիի կողմէ. կռփամարտը՝ երկու անձի միջեւ. թղթախաղը՝ 2-4 (եւ երբեմն անկէ աւելի) անձերու միջեւ: Ոտնագնդակի, կողովագնդակի (Անգլերէն basketball) պարագային՝ ունինք ճշդուած թիւերով մարզիկներու մասնակցութիւնը։

Մրցանիշներ կը տրուին (եւ կ՚արձանագրուին), երբեմն բարձրագոյն կէտը՝ նիշը ստացողին՝ ապահովողին. օրինակ՝ շատակերութեան, ոստումի պարագային։ Երբեմն՝ նուազագոյն կէտը՝ նիշը ապահովողին. օրինակ՝ ինքնաշարժի, հեծանիւի մրցումներու պարագային (նկատի կ՚առնուի որոշ հեռաւորութեան մը նուազագոյն ժամանակի մէջ իրագործումը):

Աշխարհի երեւոյթներու (օրինակ՝ բարձրագոյն լեռ) եւ մրցումներու մրցանիշները արձանագրուած կը գտնենք Լոնտոնի մէջ հրատարակուող Guiness, Book of Record (Մրցանիշներու գիրք) հրատարակութեան մէջ, որ ամէն տարի լոյս կը տեսնէ (1954էն սկսեալ) անհրաժեշտ յաւելումներով եւ յապաւումներով:

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1577

ՆՈՐ

(beta)

ՆԻՇ