Անվճար հայերէն ուղղագրիչ
Ստացի՛ր HySpell-ը հիմա
 Բառարան
լսնոսկի գոյական (բլաթին) Գորշասպիտակ թանկագին մետաղ:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 165։


ԼՍՆՈՍԿԻ
գոյական գորշասպիտակ ոսկի։

Աղբիւր՝ Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): էջ 173
ՆՈՐ
ԼՍՆՈՍԿԻ
գոյական Տե՛ս Պլատին։

Աղբիւր՝ Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): էջ 855
ՆՈՐ
(beta)
ԼՈՒՍՆՈՍԿԻ,
ԼՍՆՈՍԿԻ
գոյական գորշասպիտակ եւ ոսկիէն աւելի թանկագին մետաղ՝ ամենածանր կշռող տարբերէն մէկը՝ շատ կակուղ ու դիւրաւ կռանելի՝ ջերմութեան ազդեցութեամբ քիչ ծառալ[ու]ող, ջերմութեան ազդեցութեամբ քիչ ծառալող, թթուուտներէն չայլայլող՝ որմէ կը շինեն զարդեղէններ՝ բնագիտական ու քիմիական նուրբ գործիքներ՝ ամաններ, եւ այլն.

(Ֆրանսերէն platine)։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 802
ՆՈՐ
(beta)
ԼՍՆՈՍԿԻ
գոյական Տե՛ս ԼՈՒՍՆՈՍԿԻ։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 805
ՆՈՐ
(beta)
ՈՍԿԻ
գոյական
    1. դեղնագոյն, շատ ծանր (19.5 տեսակարար կշիռով), դիւրաթեք, դիւրաշաղ եւ անապական (ժանգի դիմադրող) թանկագին մետաղական մարմին՝ տարր.

    2. ոսկեայ զարդերու՝ իրերու ընդհանուր անուանում.

    3. ոսկիէ պատրաստուած դրամ, ոսկեդրամ.

    4. ոսկեթել.

    5. (Փոխաբերական իմաստ) հարստութիւն, գանձ.

    6. թանկարժէք իր. օրինակ՝
‣ ժամանակը ոսկի է.

ածական
    7. ոսկիէ, ոսկեայ, ոսկեղէն, ոսկիէ պատրաստած.

    8. (Փոխաբերական իմաստ) դրական յատկութիւներով օժտուած. ազնիւ, բարի.

    9. (Փոխաբերական իմաստ) ընտիր, թանկագին.

    10. (Փոխաբերական իմաստ) ոսկեգոյն.

    11. (Փոխաբերական իմաստ) վառ, շքեղ, պերճ.

գոյական
    12. (Փոխաբերական իմաստ) ոսկեգոյն ցոլք՝ ճառագայթ՝ ճաճանչ.

    13. (Փոխաբերական իմաստ) բարիք. բերք (առաւելաբար ցորենի).

    14. (Փոխաբերական իմաստ) դեղին տերեւներ.

    15. (Փոխաբերական իմաստ) դեղին գոյն՝ երանգաւորում:

Ասացուածքներ (երբեմն՝ ոսկի բառին փոխարէն կ՚ըսուին նաեւ ոսկեայ, ոսկիէ եւ ոսկեղէն. -

Տեսակներ
— Տեսակներ բնական՝ ձոյլ։

— Դրամ (հատանուած)՝ ոսկեդրամ, հնչուն ոսկի։ Բառը յառաջացած է մետաղին հանած ձայնէն՝ կը հնչէ, կը զրնգայ: Մասնագէտներ այդ ձայնէն կը ստուգեն անոր իրական՝ բնական կամ շինծու ըլլալը։

— Թուղթէ՝ թղթոսկի։

— Ճերմակ՝ լսնոսկի։

Բաղադրեալ Բայեր
Ոսկի ժամանակ կորսնցնել, ոսկի ժամանակ վատնել
ներգործական բայ որեւէ կարգի զբաղումի՝ գործի մէջ՝ համար թանկագին ժամանակ կորսնցնել՝ վատնել անօգուտ զբաղումով՝ գործով կամ անգործութեամբ:

Դարձուածքներ
Ամէն պսպսացող բան ոսկի չէ
ամէն փայլող բան թանկագին չէ։

Գետինը ոսկի ալ գտնես, համրէ եւ այնպէս առ
դրամը առնելու եւ տալու ատեն պէտք է համրել։

Ոսկի անձրեւ
    1. անսպասելիօրէն ձեռք բերուած՝ գտնուած մեծ հարստութիւն՝ դրամական գումար.
    2. թիթեռնածաղկաւորներու ընտանիքէն թփաբոյս մը։

Ոսկի ապարանջան
    1. ոսկեղէն ապարանջան.
    2. որեւէ արհեստ, որ ենթական անօթի չի ձգեր:

Ոսկի աստղ
ոսկիէ շքանշան, որ կը տրուի տուեալ երկիրի մը մեծ ծառայութիւն ընողներուն։

Ոսկի բաժանում
    1. Եւքլիտեան երկրաչափութեան մէջ, գիծի մը՝ գծահատուածի մը ծայրայեղ եւ միջին յարաբերութեամբ՝ համեմատութեամբ բաժանումը.
    2. գեղագիտութեան մէջ, գիծի մը՝ պատկերի մը բաժանումը այնպիսի ձեւով, ուր պզտիկ մասը կամ տարածութիւնը այնպիսի համեմատութեան մէջ է աւելի լայն մասին, ինչպէս այս վերջինը՝ ամբողջին հետ։

Ոսկի գեղմ
գոյական ոսկեգեղմ, ոսկեբուրդ:

Ոսկի դար
գոյական Տե՛ս ՈՍԿԵԴԱՐ:

Ոսկի եղջիւր
ոսկեղջիւր։

Ոսկի երիտասարդութիւն
գոյական տուեալ ժամանակի երիտասարդութեան հիանալի՝ լաւագոյն մասը։

Ոսկի թիւ
գոյական ոսկեթիւ։

Ոսկի ծաղիկ
գոյական արեւածաղիկ:

Ոսկի կանոն
գոյական կեանքի կանոն, որ նշուած է՝ տրուած է Մատթէոս Աւետարանիչի Է. գլուխի 12րդ համարով. «Ուստի ամէն ինչ որ կ՚ուզէք որ մարդիկ ձեզի ընեն, դուք ալ անոնց այդպէս ըրէք»։

Ոսկի հատուած
գոյական Տե՛ս Ոսկի բաժանում:

Ոսկի հարսանիք, ոսկի ամուսնութիւն
գոյական ամուսնական կեանքի յիսնամեայ յոբելեան՝ տարեդարձ։

Ոսկի հորթ
ոսկի, դրամ, փող։

Ոսկի ձեռքեր
տուեալ արհեստի մը՝ ասպարէզի մը մէջ հմուտ ձեռքեր:

Ոսկի ճճի
Զատկաճճի, ոսկեճճի:

Ոսկի միջին
գոյական ծայրայեղութիւններէ զերծ վարուելակերպ՝ գործելակերպ՝ դիրքորոշում. խելացի չափաւորականութիւն, ծայրայեղութիւններէ խուսափում, ծայրայեղութիւններու զանցառում (Արիստոտէլի վարդապետութիւն):

Ոսկիի պահեստ
պետութեան մը պատկանող թանկարժէք (գլխաւորաբար ոսկիի) ձուլածոներու եւ դրամի պահեստ:

Ոսկի սագ
ոսկեսագ։ Յոյն առասպելաբանութեան մէջ սագ մը, որ ոսկի հաւկիթներ կ՚ածէր։ Սագին տէրը զայն մորթեց, անոր բոլոր հաւկիթներուն մէկ անգամէն տիրանալու նպատակով։

Ոսկի տարեդարձ
    1. յիսնամեակի տարեդարձ.
    2. պսակի՝ ամուսնութեան յիսնամեակի տարեդարձ։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1861
ՆՈՐ
(beta)

Նման բառեր
լսնոսկիէ
 Գործածութիւն փորձնական 3 մէջբերում 

Գտնուած բառաձեւերու գործածութիւնը

Փնտռել «Լսնոսկի» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com