Անվճար հայերէն ուղղագրիչ
Ստացի՛ր HySpell-ը հիմա
 Բառարան
✽հազուադէպ բառ ԻՇԿԱՒԱՅ (վա)
գոյական Լաւաշ հաց։

Աղբիւր՝ Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): էջ 802
ՆՈՐ
(beta)
ԻՇԿԱՒԱՅ
գոյական լաւաշ հաց։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 749
ՆՈՐ
(beta)
ԲԱՂԱՐՋ,
ԲԱՂԱՋ
գոյական կլոր՝ անլի անխմոր հաց, նկանակ, զոր կը հունցեն (կը շաղուեն՝) ու կը թխեն անմիջապէս, ինչպէս ըրին Հրեաներ Եգիպտոսէ փախուստին գիշերը.

Տեսակներ
— հաստը՝ բոքոն, կլոճ, կլոջ, կրկենի, պռտոն, տրմուզ.

— բարակը՝ լաւաշ, շօթ, գրտակ, իշկաւայ.

— մէկ մատ հաստը՝ բաղարջուկ, բաղրջուկ.

— տափակը՝ բաղարջանք:

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 290
ՆՈՐ
(beta)
ՀԱՑ
գոյական
    1. ցորենի՝ գարիի՝ եգիպտացորենի ալիւրէն ջուրով շաղուած՝ խմորուած ու փուռի մէջ թխուած՝ եփուած ամէնօրեայ ուտելիք՝ զանազան ձեւի ու մեծութեան.

Տեսակներ
— բոլորշի՝ պան, նկանակ, գրտակ.

— անխմոր՝ բաւականաչափ չթթուած՝ բաղարջ.

— լաւ եփուած ու չորցուած՝ կսկուծ.

— երեսը՝ ծայրերը պնդացած՝ կողինձ.

— երեսէն այրած բայց միջուկը խմոր մնացած՝ խաշլամայ.

— հին՝ օդի մէջ չորցած՝ օթեկ, քարթու.

— չոր ու ցամաք՝ առանց թացանի (= կաթ՝ պանիր՝ ձիթապտուղ)՝ աշտուճ, չորաբեկ.

— տափակ եւ երկայն՝ մատներու սեղմումով ակօսուած՝ մատնաքաշ, մատնքաշ.

— բարակ ու տափակ՝ անխմոր՝ ցորենի կամ գարիի ալիւրով՝ լաւաշ, շօթ, իշկաւայ.

— տաշտի աւելցուկ խմորէ՝ թոնիկ.

— օճախի մէջ եփած՝ փուռակ.

— գունտ հաց՝ թոնիրի խարոյկի վրայ՝ եգիպտացորենի՝ ցորենի ալիւրով՝ փուռնիթ.

— թանձր ու կլոր՝ փուռնիկ.

— ձուաձեւ՝ եզերքները հաստ՝ մէջը բաց՝ թխուած՝ թոնիրի բազմոցով (= ռափաթայով)՝ փուռնուջ.

— բարակ՝ կլոր՝ բոկեղ.

— թոնիրի՝ կիլիկ.

— սաճի վրայ՝ ֆեթել, փուռնիդ, փուսնիկ.

— մատաղի՝ մեղրահաց, մեղրաբլիթ.

— վրան միսով՝ մսաշօթ (= լէհմաճուն).

— հաղորդութեան՝ նշխար.

— երկնառաք՝ մանանայ.

— ցորենի ալիւրով՝ ցորենահաց.

    2. ընդհանրապէս ուտելիք, սնունդ.

    3. ապրուստ, ոգեպահիկ.

    4. ճաշ, ընթրիք, սեղան.

    5. խնճոյք, կոչունք, հացկերոյթ.

    6. ցորեն, գարի՝ որոնցմով հաց կը պատրաստուի.

    7. հացահատիկներու արտեր, հունձք.

    8. ընկոյզի՝ կաղինի՝ պիստակի՝ եւ այլնի միջուկ։

Բաղադրեալ Բայեր
Հաց դնել
ներգործական բայ սեղան պատրաստել.

միասին հաց կտրել, միասին հաց ուտել
չէզոք բայ բարեկամանալ.

ուրիշի բերանով հաց ուզել կամ ուտել
ներգործական բայ ուրիշի խորհուրդով շարժիլ՝ գործել.

հացը կտրել՝ մէկուն գործը
ներգործական բայ պաշտօնը ձեռքէն խլել.

մէկու հացին իւղ քսել
չէզոք բայ մէկուն օգտակար ըլլալ անուղղակի կերպով։

Դարձուածքներ
երկու երեսանի սաճի հաց
երկերեսանի՝ կեղծաւոր մարդ.

հաց դնեմ հասիր՝ գործ ցուցնեմ փախիր
ուտելու պատրաստ ես, աշխատելու՝ ծոյլ.

ո՛ւր հաց՝ անդ կաց
ուր որ հաց գտնես՝ նստիր կե՛ր.

քարէն հաց հանել
կարողանալ որեւէ ձեւով ապրուստը ճարել.

հազար մաղի հաց կերած
փորձառու՝ փորձուած.

դեռ շատ հաց ու պանիր պէտք է ուտես՝ ատիկա կարենալ ընելու համար
շատ ժամանակի պէտք ունիս.

ատիկա հաց ու պանիրի պէս բան է
շատ սովորական բան է.

ցամաք հաց
լոկ հաց.

հացի խնդիր
ապրուստի՝ գոյութեան կռիւ.

հացին մէջ աղ չկայ
ըրած բարիքը չի գնահատուիր.

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1201
ՆՈՐ
(beta)
 Գործածութիւն փորձնական 4 մէջբերում 

Գտնուած բառաձեւերու գործածութիւնը

Փնտռել «ԻՇԿԱՒԱՅ» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com