Ermeni yazım denetleyicisi
Şimdi İndirin
 Morphology

Matching Word Forms

ջուր տալ → ջուր տալ

Matching Lexemes

 Sözlük
ՏԱԼ
ներգործական բայ
    1. յանձնել։
    2. շնորհել։
    3. հայթայթել։
    4. վճարել։
    5. (հոգին՝) աւանդել, փչել։
    6. (անձը՝) նուիրել, զոհել։
    7. (պիտոյքը՝ պարէնը՝) հայթայթել, մատակարարել։
    8. (կաթ՝ ուսում՝) ջամբել։
    9. (օրինակ՝) ըլլալ, հանդիսանալ։
    10. (բերք՝ պտուղ՝) բերել, արտադրել։
    11. (ծիլեր՝ լոյս՝) արձակել։
    12. (ժամանակ՝) յատկացնել։
    13. (հանդէս մը՝) սարքել, կազմակերպել։
    14. (թատերական կտոր մը՝) ներկայացնել։
    15. (վնաս՝ վախ՝ կասկած՝ նեղութիւն՝ ցաւ՝ վիշտ՝ հաճոյք՝) պատճառել։
    16. (առիթ՝ կարեւորութիւն՝ վարկ՝) ընծայել։
    17. (խնդիրք՝ աղերսագիր՝) ներկայացնել, մատուցանել։
    18. (հաղորդութիւն՝) մատակարարել։
    19. (պատիժ՝) սահմանել, տնօրինել։
    20. (շահ՝ օգուտ՝) բերել, արտադրել։
    21. (բարեւներ՝) հաղորդել։

Դարձուածքներ
լուր տալ, տեղեկութիւն տալ, իմաց տալ
իմացնել, տեղեկացնել, հաղորդել։

գաղտնի լուր տալ
մատնել։

բարի լուր տալ
աւետել։

գէշ լուր մը տալ
գուժել, բօթել։

դաս տալ
ուսուցանել, սորվեցնել, աւանդել։

մէկուն դասը տալ
դասը՝ չափը սորվեցնել։

որոշում տալ
որոշել։

վճիռ տալ
վճռել, վճիռ արձակել։

պատիւներ տալ
պատուել, մեծարել, պատուասիրել։

(պատը) փոր տալ
ցիւռկիլ, կորանալ, կքիլ։

լեզուին տալ
լեզուագարիլ, բանդագուշել, բարբանջել։

ձեռք տալ
մատնել։

ձեռք տալ
բաւել։

օձիքը ձեռք տալ
բռնուիլ։

երես տալ
շփացնել։

պարտքը տալ
վճարել, հատուցանել։

ծայր տալ
սկսիլ. երեւնալ, բացուիլ։

հոգի տալ
գուրգուրալ. սիրահարիլ, խենթենալ։

յոյսեր տալ
յուսադրել։

ջուր տալ
ջրել, ոռոգել։

(երկաթին) ջուր տալ
մխել, ջրդեղել։

կուրծք տալ
խիզախել, դիմաւորել, արհամարհել։

գոյնը տալ
գունատիլ, տժգունիլ։

գոյնը դուրս տալ
խայտառակուիլ։

(մանուկին) ծիծ տալ
դիեցնել։

խրախոյս տալ
խրախուսել, ոգեւորել, քաջալերել, սրտապնդել։

յորդոր տալ, խրատ տալ, խորհուրդ տալ
յորդորել, խրատել։

տփոց մը տալ
տփել, ծեծել։

քարոզ տալ
քարոզել։

ընծայ տալ, նուէր տալ
ընծայել, նուիրել։

կլլել տալ
հաւտացնել, հաւատացնել, խաբել, կլլեցնել։

գլուխ գլխու տալ
խորհրդակցիլ։

ձեռք ձեռքի տալ
աջակցիլ, աշխատակցիլ։

ետ տալ
վերադարձնել։

կերածը ետ տալ
փսխել, ործալ։

թոյլ տալ, արտօնութիւն տալ
թողուլ, թոյլատրել, արտօնել։

ինքզինքը բանի մը տալ
նուիրուիլ. անձնատուր ըլլալ։

վրայ տալ
պնդել։

(ունեցածը) վրայ տալ
կորսնցնել։

լիազօրութիւն տալ
լիազօրել։

տեղի տալ
քաշուիլ, նահանջել, զիջանիլ։

հաճութիւն տալ, հաւանութիւն տալ
հաճիլ, հաւանիլ։

հրաման տալ
հրամայել։

պատուէր տալ
պատուիրել, յանձնարարել։

փառք տալ
մատուցանել։

շնորհք տալ
շնորհել, պարգեւել։

պատասխան տալ
պատասխանել։

կրակ տալ
գրգռել, բորբոքել։

կրակը տալ
դժբախտացնել (աղջիկը)։

կրակի տալ
այրել, հրդեհել։

աչքով նշան տալ
ակնարկել։

ձայն տալ
արթնցնել։

արժէք տալ
գնահատել։

(դուստրը) մէկուն կնութեան տալ
կարգել, ամուսնացնել։

մէկուն քար հանել տալ
գլել, գերազանցել (մէկը)։

խօսք տալ
խոստանալ։

փայլ մը տալ
փայլը աւելցնել։

անձին ձեւեր տալ
հովեր առնել։

գոհացում տալ
գոհացնել, բաւարարել։

յագուրդ տալ
յագեցնել։

հրաժարական տալ
հրաժարիլ, քաշուիլ։

ճամբայ տալ
ճամբայ բանալ։

(ծառային) ճամբայ տալ
ճամբել։

ականջ տալ
լսել, մտիկ ընել։

երաշխաւորութիւն տալ
երաշխաւորել, հաւաստել։

ցոյց տալ
ցուցնել. նշանակել։

այցելութիւն տալ
այցելել։

վկայութիւն տալ
վկայել։

(դրամը) տոկոսով տալ
շահադրել։

նպաստ տալ
օգնել, նպաստել։

խոյս տալ, փախուստ տալ
խուսափիլ, փախչիլ։

չտեսնելու տալ
չտեսնելու զարնել, չտեսնել ձեւացնել։

համբոյր տալ
համբուրել, պագնել։

դեղեր տալ
դարմանել։

գործ տալ
զբաղեցնել։

հրատարակութեան տալ
հրատարակել։

բարեւ տալ
բարեւել։

հովին տալ
փճացնել։

երեսին տալ
մեղադրել։

(երեսին) երկուք մը տալ
երկու ապտակ իջեցնել՝ փակցնել։

վլվլուկի տալ
աղմկել։

հաւար տալ
ահազանգ հնչեցնել։

զարկ տալ, ուժ տալ
խրախուսել, քաջալերել, զարգացնել։

կռնակ տալ
ուժ տալ։

կռնակը տալ
կռթնիլ, ապաւինիլ։

(կերպասը) երկու հագուստ տալ
երկու հագուստի բաւել։

յիշել տալ
յիշեցնել։

ընթացք տալ, հետեւանք տալ
հետապնդել։

անհոգութեան տալ
ձգձգել, չընել։

կտակով տալ
կտակել, հրիտակել։

գրոհ տալ
գրոհել, խուժել, բազմութեամբ յարձակիլ։

մօրուքը համրել տալ
հեղինակութիւնը կորսնցնել։

տուն տալ
թելադրել. ներշնչել։

վախ տալ
վախցնել, սպառնալ։

քենկեւեզ տալ
սուտ լալ։

Աստուած տար որ
երանի՜ թէ, իցի՜ւ թէ։

Source: Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): p. 482
Yeni!
ՋՈՒՐ
գոյական
    1. անհոտ՝ անհամ՝ թափանցիկ հեղուկ, որ կը գոյանայ երկու մաս ջրածինի եւ մէկ մաս թթուածինի քիմիական միացումէն.

    2. ջուրի որեւէ հոսանք՝ մաս՝ զանգուած (աղբիւր, ակ, առու, լիճ, գետ, ծով եւ այլն).

    3. որեւէ կարգի պարունակողի (աման, կաթսայ, աւազան եւ այլն) ջրային կոյտը՝ պարունակութիւնը.

    4. բնակուած վայրի մօտ գտնուող հոսող ջուր՝ աղբիւր՝ ծորակ.

    5. ջուրը իբրեւ խմելիք՝ կենսանիւթ.

    6. մարմնի զանազան մասերուն՝ խոռոչներուն՝ հիւսկէններուն մէջ կուտակուող հեղուկ.

    7. (Փոխաբերական իմաստ) քրտինք.

    8. մէզ.

    9. (Փոխաբերական իմաստ) արտասուք.

    10. բերնէն կամ քիթէն հոսող հեղուկ.

    11. արտը՝ դաշտը՝ պարտէզը ջրելը՝ ոռոգելը.

    12. խոնաւութիւն, թացութիւն.

    13. պտուղներու՝ բանջարեղէններու հեղուկային մաս.

    14. զանազան պտուղներու եւ բանջարեղէններու ջրային մասէն՝ հիւթէն պատրաստուած խմելիքներու ընդհանուր անուանում.

    15. բժշկական՝ դեղագործական լուծոյթ. դեղաջուր.

    16. անասուններուն ջուր տալը.

    17. (Փոխաբերական իմաստ) թանկագին քարերու փայլք՝ ցոլք.

    18. լուացքի ատեն աղտոտ ջուր եւ մաքուր ջուր գործածելը.

    19. մետաղի ջրդեղում.

    20. (Փոխաբերական իմաստ) ապարդիւն աշխատանք տանիլ՝ կատարել. օրինակ՝
‣ ջուր ծեծել.

    21. (Ծածկաբանական) խմիչք, օղի (երբեմն՝ ընկերացած անմահական՝ դրախտի՝ դրախտային ածականներով).

ածական
    22. թրջուած, խոնաւ:

Տեսակներ
— Աղիքները մաքրելու՝ գրեխաջուր:

— Անձրեւի՝ անձրեւաջուր։

— Արիւնէ՝ մածունէ զատուած (զտուած)՝ շիճուկ։

— Բերանի՝ լորձունք:

— Բոյսով՝ բուսաջուր։

— Գարիի՝ գարեջուր:

— Դեղի՝ դեղաջուր, լուծոյթ։

— Թարախախառն՝ կառնաջուր:

— Կոյուղիներու՝ կոյաջուր:

— Կրային՝ կրաջուր:

— Հանքի՝ հանքաջուր, հանքային ջուր։

— Մեղրով՝ մեղրաջուր:

— Միսի՝ մսաջուր։

— Մոխիրով՝ մոխրաջուր:

— Շատ յարգի՝ անմահական՝ դրախտի՝ կենաց ջուր։

— Շաքարով՝ շաքար ջուր։

— Ոսկիով՝ ոսկեջուր։

— Վարդի՝ վարդաջուր:

— Քիթի՝ փսլինք:

Բաղադրեալ Բայեր
Ամէն բան մէկ ջուրով լուալ
ներգործական բայ ամէն բան հաւասար բռնել, տարբերութիւն չդնել։

Գինիի մէջ ջուր խառնել
ներգործական բայ
    1. խիստ վարմունքը թեթեւցնել՝ թուլցնել.
    2. վարմունքը բարեխառնել:

Ըսածը ջրել
ներգործական բայ
    1. ըսածը դրժել.
    2. ըսուածին հակառակը ըսել:

Մէկը ջուրը՝ ջուրին տանիլ, ծարաւ վերադարձնել
ներգործական բայ
    1. չկամեցող ըլլալ.
    2. վարպետորդի ըլլալ.
    3. յուսախաբ ընել։

Մէկուն ամանէն ջուր խմել
ներգործական բայ անոր սպասարկել, անոր գաղափարներուն թմբկահարը ըլլալ։

Մէկուն ջաղացին (ջրաղացին) ջուր լեցնել
ներգործական բայ յօգուտ մէկուն խօսիլ, յօգուտ մէկուն գործել։

Մէկուն ջուրի ձայն գալ
չէզոք բայ կարեւոր դէպք մը թեթեւ առնել, լրջօրէն չմտահոգուիլ:

Մէկուն ջուրին երթալ, ջուրով երթալ
չէզոք բայ անոր կամքին համաձայն շարժիլ. չհակառակիլ:

Նոյն՝ մէկ ջուրով լուալ
ներգործական բայ բոլոր հարցերը՝ անձերը համահաւասար նկատել։

Շատ ջուր վերցնել
ներգործական բայ
    1. յաւելեալ ջուրի պէտքը զգացուիլ՝ թրծուելու՝ թուլնալու՝ եփուելու համար.
    2. շատ աշխատանքի՝ ժամանակի կը կարօտի հարցի մը լուծումը։

Պաղ ջուր թափել, պաղ ջուր լեցնել
ներգործական բայ
    1. զարմացնել, ապշեցնել.
    2. բարոյալքել, գործի մը ընթացքը կասեցնել։

Պղտոր ջուրի մէջ ձուկ որսալ
ներգործական բայ անորոշութենէ՝ խառնաշփոթութենէ օգտուիլ անձնական շահի համար։

Ջուր առնել
ներգործական բայ
    1. որեւէ տեղէ ջուր ստանալ՝ գնել.
    2. ջուր ծծել՝ ներծծել.
    3. ջուրով լեցուիլ՝ ողողուիլ։

Ջուր գողնալ
ներգործական բայ վէրքի վերածուիլ:

Ջուր դառնալ
չէզոք բայ Տե՛ս Ջուր կտրիլ։

Ջուր ընել
ներգործական բայ
    1. ջուր տալ. ջրել, ոռոգել.
    2. ամբողջովին թրջել.
    3. շատ լաւ սորվիլ.
    4. լուալ։

Ջուր թափել
ներգործական բայ
    1. վրան ջուր սրսկել՝ նետել.
    2. միզել։

Ջուր ծեծել
ներգործական բայ զուր՝ ապարդիւն աշխատանք տանիլ, աւելորդ տեղը խօսիլ՝ վիճաբանիլ:

Ջուր կտրիլ
չէզոք բայ
    1. շատ թրջուիլ, խխում դառնալ.
    2. սաստիկ քրտնիլ.
    3. շատ եփելէն՝ գրեթէ հալիլ եւ հեղուկի վերածուիլ.
    4. ուժը կորսնցնել, ջրահամ դառնալ.
    5. պաղիլ (տաք որեւէ ըմպելի).
    6. սարսափիլ, ահաբեկուիլ։

Ջուր չվերցնել
ներգործական բայ ապահով ըլլալ բանի մը մասին՝ համար:

Ջուր տալ
ներգործական բայ
    1. ջուրով ապահովել, ջուր մատակարարել.
    2. ոռոգել, ջրել.
    3. ջրել (անասունները).
    4. ջուրը աւելցնել.
    5. տաքցած երկաթը ջուրի մէջ մխրճել:

Ջուրերը երթալ
չէզոք բայ
    1. ջերմուկ երթալ.
    2. բազմաղբիւր տեղ մը երթալ։

Ջուրը առուն ձգել
ներգործական բայ գործը կարգի մէջ դնել, ընթացքի մէջ դնել։

Ջուրը գալ տանիլ
ներգործական բայ
    1. սպառիլ, վատնուիլ.
    2. կորսուիլ։

Ջուրը դնել
ներգործական բայ
    1. անհրաժեշտ ջուրը տալ՝ աւելցնել.
    2. ջուրի մէջ մխրճել.
    3. հրաժարիլ։

Ջուրը թափել
ներգործական բայ Տե՛ս Ջուրը նետել։

Ջուրը իյնալ
չէզոք բայ
    1. ջուրի մէջ անկում ունենալ.
    2. գործը ապարդիւն դուրս գալ.
    3. յուսահատ ըլլալ.
    4. գործադրութենէն հրաժարիլ։

Ջուրը խառնուած ըլլալ
չէզոք բայ իրարու հետ քէնոտ ըլլալ:

Ջուրը կապել
ներգործական բայ
    1. ջուրին ընթացքը գոցել՝ կտրել.
    2. ջուրին ընթացքը փոխել:

Ջուրը կտրել
ներգործական բայ
    1. ջուրին ընթացքը՝ հոսանքը դադրեցնել.
    2. առուակը՝ գետակը եւ այլն կտրել անցնիլ։

Ջուրը կտրիլ
չէզոք բայ ջուրին հոսումը դադրիլ:

Ջուրը նետել
ներգործական բայ
    1. ջուրի մէջ դնել.
    2. իր պարունակած ջուրը դուրս հանել.
    3. կորսնցնել, կորուստի մատնել.
    4. կորսուած համարել։

Ջուրը պատը՝ պատէն վեր հանել
ներգործական բայ
    1. անկարելին փորձել.
    2. գործը դժուարացնել, դժուարութիւն յարուցանել:

Ջուրը տանիլ
ներգործական բայ
    1. աղբիւրին՝ ծորակին եւ այլնին մօտ տանիլ.
    2. ապարդիւն անցնիլ.
    3. կորսուիլ.
    4. թշուառութեան մատնուիլ:

Ջուրը քաշել
ներգործական բայ
    1. ստորերկրեայ կամ ցած տեղէ մը ջուրը բարձրացնել՝ վեր հանել.
    2. ջուր ծծել՝ ներծծել.
    3. չորցնել, ցամաքեցնել.
    4. գոլորշիանալով՝ չորնալով ջուրը պակսիլ.
    5. մարմնի զանազան մասերուն մէջ կուտակուած աւելորդ ջուրը դուրս հանել՝ հեռացնել։

Ջուրի ճամբայ ընել, ջուրի ճամբայ դարձնել
ներգործական բայ յաճախ երթալ-գալ, այցելել, երթեւեկել:

Ջուրին երեսը գալ, ջուրին երեսը ելլել
չէզոք բայ
    1. դժուար կացութենէ դուրս գալ, ինքզինք փրկել.
    2. յայտնի դառնալ, պարզուիլ:

Վրայէն ջուր խմել
ներգործական բայ կորսուած համարել:

Վրան՝ գլխուն ջուր մաղուիլ, կամ՝ վրան պաղ ջուր թափիլ
չէզոք բայ
    1. սարսափիլ.
    2. գէշ լուրի պատճառով ընկճուիլ:

Դարձուածքներ
Անոր ջուրին ձաւար չի ձգուիր
անվստահելի անձ է։

Երեսի ջուր
ամօթ, ամօթխածութիւն:

Երկուքին ջուրը նոյն՝ մէկ առուով չ՚երթար
բնաւորութեամբ իրարու յարմար չեն. համերաշխ չեն։

Ի՞նչ ջուրի վրայ են
ի՞նչ վիճակի մէջ են, ի՞նչ կը մտածեն։

Հացը՝ սուլթան, ջուրը՝ վէզիր, մնացածը՝ գզիր-մզիր, կամ՝ հացիկ-ջրիկ, կեանք երջանիկ
կարեւորները հացն ու ջուրն են, միւսները՝ երկրորդական:

Յարդին տակէն ջուր քալեցնող
խորամանկ մարդ, վարպետորդի մարդ։

Ջուրէն ու քարէն չվախցողը, Աստուծմէ ալ չի վախնար (առած)
ջուրը կը խեղդէ, իսկ քարը կրնայ վնասել։ Ասոնցմէ չվախցողը՝ անզգամին եւ անհաւատին մէկն է։

Ջուրը դուրսը կը մաքրէ, արցունքը՝ արտասուքը՝ ներսը (առած)
արցունքը կը հանդարտեցնէ մեր հոգեկան տագնապը։

Ջուրը ինկողը անձրեւէն չի վախնար
մեծ գործերով զբաղողը՝ մեծ ծախսեր ընողը՝ փոքր գործերէ՝ ծախսերէ չի վախնար։

Ջուրը կ՚երթայ, աւազը կը մնայ
ջուրը սահող է, իսկ աւազը՝ կայուն։

Ջուրը մեզ տարեր է
թշուառ վիճակի մէջ ինկած ենք եղեր եւ մենք լուր չունինք:

Ջուրը չտեսած՝ չեն բոպիկնար
ժամանակը չհասած, գործը չհասունցած, պատրաստութիւններ պէտք չէ տեսնել։

Ջուրը ջաղացքը (ջրաղացքը) տարեր է, ջախջախը կը փնտռեն
    1. կարեւորը կորսուեր է, անկարեւորը կը փնտռեն.
    2. կարեւոր հարցը մէկ կողմ ձգած, մանրուքներով կը զբաղին:

Ջուրի աղջիկ
ջրահարս, հուրի, փէրի, յաւերժահարս:

Ջուրի գին
շատ աժան։

Ջուրի կուժը ջուրի ճամբան կը կոտրի
բան մը կը վնասուի՝ կը փճանայ իր գործին՝ ասպարէզին ընթացքին:

Ջուրի ճամբայ
    1. ջրուղի.
    2. շատ յաճախուած երթեւեկելու համար սովորական դարձած:

Ջուրի պէս
    1. շատ լաւ՝ վարժ՝ հմուտ.
    2. անխնայ, անհաշիւ, շռայլօրէն.
    3. դիւրութեամբ:

Ջուրի տեղ
    1. ջուր գտնուող վայր.
    2. արտաքնոց, պէտքարան:

Ջուրին բերածը ջուրը կը տանի
դիւրին շահուած բանը դիւրաւ ալ կը ծախսուի՝ կը վատնուի։

Ջուրին եւ կրակին հետ խաղ չ՚ըլլար
երկուքն ալ վտանգաւոր են (մա՛նաւանդ երեխաներուն համար)։

Ջուրին օգուտն ալ շատ է, վնասն ալ
զգուշացումի ձեւ մը ջուրին վնասներէն:

Ջուրի անտեսանելի շոգին պաղելով՝ խտանալով, երբ անտեսանելի ըլլայ, ամպ կը կոչուի, որ եթէ երկրին մակերեսին վրայ գտնուի, կը ձեւացնէ մշուշը կամ մառախուղը: Ձիւնը սառած անձրեւն է, բիւրեղացած՝ մթնոլորտին մէջ։ Կարկուտը ջուրի կաթիլներուն սառումն է՝ ելեկտրական ազդեցութիւններու տակ։ Ցօղը յառաջ կու գայ տերեւներու վրայ օդի խոնաւութեան խտացումէն: Երբ օդը ցուրտ է, ցօղը կը սառի եւ կը կոչուի եղեամ:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2069
Yeni!
(beta)
 Usage beta 9 citations 

Usage of matching Word Forms

Usage of matching Lexemes

Ayrıca bu sözlüklerde "Ջուր տալ" için arama:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. Ermenice sözlük 17.718 kelimelerden oluşmuşdur
The site has 144 dictionaries and 3 books.
Türkçe
Նայիրի / Nayiri.com