Армянская проверка орфографии
загрузить HySpell сейчас
 Morphology

Western Armenian

Ողնայար → ողնայար (noun)
Singular • Nominative case
Singular • Accusative case

Matching Lexemes

 Словарь
ողնայար գոյական Ողնասիւն, ողնաշար:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 360։


ՈՂՆԱՅԱՐ
գոյական ողնաշար, ողնասիւն։

Источник: Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): стр. 388
Новинка
ՈՂՆԱՅԱՐ (նա-յար)
գոյական Տե՛ս Ողնաշար։

ՈՂՆԱՅԱՐԱԿԱՆ
ածական Տե՛ս Ողնաշարական։

ՈՂՆԱՅԱՐԱՅԻՆ
ածական Տե՛ս Ողնաշարային։

ՈՂՆԱՅԱՐԱՒՈՐ
ածական Տե՛ս Ողնաշարաւոր։


ՈՂՆԱՇԱՐ ողնաշարի
գոյական
    1. Իրար վրայ ագուցված ողների շարքը, որ մարդկանց մօտ մի սիւն է կազմում, միջավայրում մի քիչ ներս թեքված, որի վրայ հաստատված են մարմնի միւս ոսկորները, ինչպէս կողերն՝ անմիջապէս, թեւերը՝ անրակի և թիակի միջոցով։
‣ Մարդու ողնաշարը բաղկացած է 24 ողից։
‣ Եթէ մարդ շարունակ կռացած աշխատի՝ նրա ողնաշարը կծռվի։

✽հազուադէպ նշանակութիւն 2. Նմանութեամբ (Ողնայար), Շէնքի մէջ տեղում հաստատված գերանը, որ իւր վրայ է կրում կտուրի ծանրութիւնը։

Источник: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): стр. 1704
Новинка
(beta)
ՈՂՆԱՅԱՐ
գոյական
    1. (Կազմախօսական) ողնոսկրներու շարայարութեամբ կազմուած ոսկրասիւնը, որուն վրայ կը հանգչի գանկը. ունի 75 սմ. երկարութիւն. ունի կորութիւններ, որոնք աւելի զօրաւոր կը դարձնեն զինք. ողնաշար, ողնասիւն.
    2. մէջք, կռնակ.
    3. (Փոխաբերական իմաստ) որեւէ շինուածքի՝ կերտուածքի եւ այլն հիմնամասը կազմող յենարանը՝ յեցարանը.
    4. (Փոխաբերական իմաստ) հիմնական՝ կեդրոնական՝ գլխաւոր մաս՝ կորիզ.
    5. (Փոխաբերական իմաստ) տոկունութիւն, դիմացկունութիւն, հաստատամտութիւն.
    6. (Փոխաբերական իմաստ) առանձին տեսակէտ, հաստատ կեցուածք, արժանապատուութիւն։

Ածանցական Բառեր
— Ածականը՝ Ողնայարային (Ֆրանսերէն spinal)։

(Ֆրանսերէն colonne vertébrale, rachis).

Источник: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): стр. 1840
Новинка
(beta)
ԿՈՂԱՇԱՐ
գոյական կողոսկրերու ամբողջութիւնը.

Յարակից Բառեր
— կռնակի ոսկորներու, ամբողջութիւնը՝ ողնաշար, ողնայար, ողնասիւն:

Источник: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): стр. 1044
Новинка
(beta)
ՈՍԿՈՐ,
ՈՍԿՐ
գոյական
    1. ֆոսֆորային եւ կրային բաղադրութեամբ պինդ նիւթ. զանազան ձեւի եւ մեծութեամբ, նիւթ՝ որմէ կազմուած է մարդու եւ ողնայարաւոր այլ կենդանիներու կմախքին իւրաքանչիւր անջատ մասը.
    2. մահացածի աճիւնի մնացորդ՝ մասունք (յոգնակի կը գործածուի).
    3. ձուկի փուշ.
    4. որոշ կենդանիներու ժանիքը՝ ակռան՝ եղջիւրը եւ այլն, իբրեւ զանազան իրեր՝ զարդեր պատրաստելու նիւթ.
    5. (Փոխաբերական իմաստ) կաշառք, կրծօն.
    6. (Փոխաբերական իմաստ) բաժին, մաս, շահ, օգուտ.
    7. (Փոխաբերական իմաստ) նիհարութիւն, հիւանդութիւն.
    8. (Փոխաբերական իմաստ) աղքատութիւն, անօթութիւն։

Տեսակներ
— Այտին՝ այտոսկր, թուշոսկր, աշխոռ, լծոսկր։

— Աչքին ոսկորէ երկու փոսերը՝ ակնակապիճ, ակնաբուն:

— Առաջին ողնը, որուն վրայ կը կենայ գլուխը՝ ատլաս, իսկ վերջինը՝ կկու։

— Արջառի վէգ՝ կոռ:

— Բազուկի երկու ոսկորներ՝ բազկոսկր։ Մեծը՝ տիզոսկր, խալիկ, ծղոսկր (Ֆրանսերէն cubitus), իսկ փոքրը՝ ճաճանչ, ճաճանչոսկր, ծղոսկրիկ (Ֆրանսերէն radius)։

— Բերանի խոռոչի վերի ոսկրեայ կամարը՝ քիմք:

— Գագաթի՝ գագաթոսկր, ծղիկ, ծղիկոսկր:

— Գանկի՝ գանկոսկր։

— Գանկոսկրներու կցուած տեղը՝ գաղտուն:

— Գլուխի գունտուկլոր՝ գանկ կամ գանկոսկր:

— Դաստակի ոսկորներէն մէկը՝ կեռոսկր (Ֆրանսերէն crochu)։

— Դէմքի՝ դիմոսկր։

— Երախային գանկին կակուղ մասերը՝ գաղտնակ:

— Երանքի կամ ազդրէն մինչեւ ծունկերը երկարող ոսկորներ՝ բարձոսկր, ամիրուկ։

— Զիստի՝ զստոսկր (Ֆրանսերէն fémur): Երկար է եւ ամենէն զօրաւորը մարմնի ոսկորներուն։

— Թիկունքի՝ թիկնոսկր (omoplate)։

— Թուշի՝ թուշոսկր, այտոսկր։

— Ծոծրակէն մինչեւ յետոյքի ոսկորներու շարքը՝ ողնայար, ողնաշար, ողնասիւն։

— Ծոծրակի՝ ծոծրոսկր։

— Ծունկի՝ ծնկոսկր, կողոփոց, լիսեռն, լիսեռնիկ, ծունկի կափարիչ (Ֆրանսերէն rotule)։

— Կզակի կամ ծնօտի վերի եւ վարի ոսկորներ՝ կզկոսկր:

— Կողի՝ կողոսկր։

— Կոնքի՝ կոնքոսկր։

— Կուրծքի վանդակի (կրծքավանդակ) երկու կողմի 12ական ոսկորներ՝ լանջոսկր, վանդակորմ, թոքտուն, կրծոսկր:

— Կռնակի կամ թիկունքի՝ թիակ, բէճ, բէչ կամ բէջ, ուսագլուխ:

— Կրունկի՝ պճեղ կամ պճիղ, ուլն, ուլնոսկր, ճագ։

— Ճակատի՝ ճակատոսկր:

— Մատներու՝ կոճ, կոճիկ, ճան, մատնոսկր:

— Մարմնի ոսկորներուն ամբողջութիւնը՝ կմախք:

— Նախաբազուկի՝ ծղի, ծղիկ, ծղուկ, արմկոսկր:

— Ողնայարի իւրաքանչիւր ողն՝ լիսեռ:

— Ողնաշարի երկրորդ ոսկորը՝ վերէն սկսած՝ ոռնակ:

— Ողնաշարի մեծ ողն՝ աւագողն:

— Ողնաշարի վարի՝ յետոյքի միսերուն թաղուած ոսկորներու խումբ՝ պոչ կամ փէօչ:

— Ոտքի թաթի երկու կողմերու դուրս ցցուած ոսկորներ՝ վէգ, ճան, յոգի կամ յոյգ, լիցք։

— Ուսի՝ ուսոսկր, անրակ, թիակ (Ֆրանսերէն omoplate)։

— Պզտիկ՝ ոսկրիկ:

— Սեպաձեւ՝ սեպոսկր (Ֆրանսերէն sphénoïde)։

— Սեռային երկու գործարաններու միջեւ գտնուող երկու մեծ եւ երկու փոքր ոսկորներ՝ կոնք:

— Սրունքի մեծ ոսկոր՝ ոլոք (Ֆրանսերէն péroné), իսկ ընկերը՝ խռչակ, խոտուց:

— Ցայլքի՝ ցայլոսկր։

— Քիթի՝ քթոսկր։

— Քիթի վերնամասը կազմող՝ խոխոսկր, խոփ (Ֆրանսերէն vomer)։

— Քիմքի՝ քմոսկր:

— Քունքի՝ քունքոսկր։

Բաղադրեալ Բայեր
Ոսկոր կտրիլ
չէզոք բայ
    1. ոսկորի պէս ամրանալ. ոսկրանալ.
    2. չորնալ, փայտանալ։

Ոսկոր ուզել
ներգործական բայ կաշառք ուզել, կրծօն ուզել։

Ոսկոր ու կաշի դառնալ, ոսկոր ու կաշի մնալ
չէզոք բայ հալիլ - մաշիլ, շատ նիհարնալ։

Ոսկորները աղալ
ներգործական բայ սաստիկ ծեծել:

Ոսկորները հանգստանալ
չէզոք բայ մեռնիլ:

Ոսկորները մնալ
չէզոք բայ սաստիկ նիհարնալ:

Ոսկորները տեղը գալ
չէզոք բայ
    1. տեղահան ոսկորները իրենց տեղը դրուիլ.
    2. հանգստանալ.
    3. (Հեգն.) ծեծ ուտել եւ ապա խելօքնալ:

Դարձուածքներ
Մինչեւ ոսկորները՝ ծուծը հասնող ցուրտ
սաստիկ ցուրտ:

Միսը քեզի, ոսկորը ինծի
կ՚ըսէր ծնողքը վարպետին՝ ուսուցիչին, երբ իր որդին կը յանձնէր անոր խնամքին, անհրաժեշտ պարագային՝ ծեծելու, իրաւունք տալով անոր։

Ոսկոր կրծող
    1. շուն.
    2. (Փոխաբերական իմաստ) կաշառակեր.
    3. (Փոխաբերական իմաստ) աղքատ, մուրացկան:

Քեզի ոսկոր նետող չկայ
    1. քեզի խօսք՝ ակնարկութիւն ընող չկայ.
    2. (Հեգն.) շան պէս հաջելու պէտք չունիս:

Источник: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): стр. 1862
Новинка
(beta)
ՍԻՒՆ
գոյական
    1. գետնէն՝ տախտակամածէն դէպի առաստաղ բարձրացող գլանաձեւ գերան, որուն վրայ կը հանգչին առաստաղին գերանները. յենարան, յեցարան, մոյթ, նեցուկ.
    2. միակտուր կամ չափածոյ քարերէ գլանաձեւ բարձր սիւն, խարիսխով, խոյակով եւ այլ զարդերով, որ շինութեան ճակտօնին, կողերուն եւ կտուրներուն իբրեւ յենարան կը ծառայէ.
    3. բաց վայրերու՝ հրապարակներու վրայ բարձրացուած կոթող (ի յիշատակ դէպքի մը՝ անձի մը).
    4. ճամբաներու եզերքին քարէ՝ փայտէ կոթողներ, որոնց վրայ հեռաւորութիւնները կը նշուին.
    5. հեռագրական՝ ելեկտրական ուղղահայեաց ձող.
    6. ընդհանրապէս՝ ցից.
    7. զօրքի՝ մարզիկներու եւ այլնի յաջորդական շարք(շարքեր). զօրասիւն.
    8. ողնաշար, ողնասիւն.
    9. տպագրութեան պարագային՝ մէկ էջի ուղղահայեաց բաժանումներէն իւրաքանչիւրը.
    10. նոյնը մամուլի (թերթեր) պարագային. սիւնակ.
    11. (Փոխաբերական իմաստ) որեւէ բանի (ամպ՝ բոց՝ փոշի եւ այլն) բարձրացող սիւնանման զանգուած.
    12. (Փոխաբերական իմաստ) նեցուկ, յենարան, հովանաւոր, պաշտպան.
    13. սնդիկի՝ ջուրի եւ այլնի մաս որ դրուած է խողովակի մէջ եւ սիւնի ձեւ ունի:

Տեսակներ
— Առանց գլուխի՝ կիսասիւն, քարկոթող։

— Զօրքի՝ զօրասիւն, շարասիւն։

— Ողնի՝ ողնայար, ողնաշար, ողնասիւն։

— Պտուտկաւոր սանդուխներու՝ միջնասիւն:

— Սիւնի առանցք՝ սիւնաբուն:

— Սիւնի գլուխ՝ խոյակ, սիւնագլուխ։

— Սիւնի ոտք՝ խարիսխ, պատուանդան։

Источник: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): стр. 2132
Новинка
(beta)
ՓՈՒՇ
գոյական
    1. որոշ բոյսերու բունի՝ ճիւղերու՝ ցօղուններու՝ տերեւներու եւ այլնի վրայ բուսած պինդ եւ սրածայր յաւելուած.

    2. ձուկերու բարակ՝ երկար եւ սրածայր ոսկոր.

    3. ոզնիի մորթը ծածկող ասեղնաձեւ ստեւը.

    4. սրածայր ասեղնաձեւ գոյացութիւն ներկայացնող բուսական ներկայացուցիչ. փուշի թուփ, փշենի, տատասկ.

    5. փշաբեր զանազան բոյսեր.

    6. փայտի փոքր սրածայր կտոր՝ շիւղ, որ կը խրուի մարդու եւ կենդանիի մարմնի մէջ.

    7. մետաղեայ սրածայր շինուածք՝ մետաղալարի վրայ անցուելու համար. օրինակ՝
‣ փշաթելի համար.

    8. եղունգի կողքին բուսած սրածայր մաս.

    9. Շարականի հին խազերէն մէկը.

    10. (Փոխաբերական իմաստ) ցաւ՝ տառապանք՝ դժուարութիւններ ներկայացնող՝ յառաջացնող հանգամանք. խոչ, խութ.

    11. (Փոխաբերական իմաստ) ցաւ, վիշտ, տառապանք.

    12. (Փոխաբերական իմաստ) խիղճի խայթ։

Տեսակներ
— Աչքի՝ անհանդուրժելի։

— Բարձի տակ՝ մտահոգութիւն, մտատանջութիւն:

— Կեանքի մէջ՝ խոչ, խութ, դժուարութիւն:

— Հասկի՝ քիստ:

— Ձուկի՝ ոսկոր, ողնայար, քիստ, խայթ։

— Միտքի՝ մտատանջութիւն, մտահոգութիւն։

— Ոզնիի՝ խոչք։

— Վարդի՝ պսեմ:

Բաղադրեալ Բայեր
Աչքի փուշ ըլլալ
չէզոք բայ ատելի ըլլալ։

Փուշ ու տատասկ ցանել մէկուն ճամբուն վրայ
ներգործական բայ
    1. չար մաղթանք ընել ճամբորդին համար.
    2. խոչընդոտ յարուցանել. դժուարացնել։

Փուշերու վրայ նստիլ՝
չէզոք բայ անհանգիստ՝ անապահով դրութեան մէջ ըլլալ:

Դարձուածքներ
Փուշէ պսակ դրուի գլխուդ
ամուսնութիւնդ չվայելես։

Источник: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): стр. 2383
Новинка
(beta)
 Usage beta 15 citations 

Usage of matching Word Forms

Usage of matching Lexemes

Новинка Explore the usage of the lemma Ողնայար or the word form Ողնայար in the Corpus of Western Armenian.
Найти слово "Ողնայար" также в следующих словарях

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Наири. Армянский cловарь содержит 17 718 главных слов
The site has 144 dictionaries and 3 books.
Русский
Նայիրի / Nayiri.com