Vérificateur d'orthographe arménien
téléchargez HySpell maintenant
 Dictionnaire
＋գաւառական բառ ՔԱՐԿՈՃ
գոյական

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2326
Nouveau!
(beta)
ՊԱՏ
գոյական
    1. շինութեան մը՝ կառոյցի մը ուղղահայեաց մասը, որ կը ծառայէ իբրեւ տանիքի՝ ծածքի յեցարան եւ շէնքը մասերու (սենեակներ, բաժանմունքներ եւ այլն) բաժնող միջնորմ. որմ.

    2. բարձր պատնէշ. պարիսպ, պատուար.

    3. բակերու՝ այգիներու՝ պարտէզներու շուրջը շինուած որմածք. ցանկապատ.

    4. ամաններու՝ անօթներու՝ սնտուկներու եւ այլն ուղղահայեաց կողերէն իւրաքանչիւրը.

    5. փոսանման զանազան երեւոյթներով (փապուղի՝ քարայր եւ այլն) ներքին ուղղահայեաց կամ կորնթարդ մակերեսը.

    6. գործարանաւոր էակներու ներքին գործարանները շրջապատող մաշկ.

    7. (Փոխաբերական իմաստ) միացման՝ հաղորդակցման արգելք եղող հանգամանք.

    8. (Փոխաբերական իմաստ) քարացած՝ կայունացած անդրդուելի սովորութիւն՝ գաղափար՝ աշխարհահայեացք.

    9. (Փոխաբերական իմաստ) որեւէ բանի խիտ եւ երկար շարք կառք համատարած զանգուած.

    10. (Փոխաբերական իմաստ) մարդոց խիտ շարք.

    11. (Փոխաբերական իմաստ) իրարու վրայ թափուած՝ դրուած՝ դիզուած առարկաներու բարձր դէզ՝ կոյտ.

    12. որեւէ բանի շուրջը կատարուած մէկ պտոյտ՝ դարձուածք.

    13. իբրեւ բայարմատ կը մտնէ բարդութիւններու մէջ՝ պատող՝ պատուած նշանակութեամբ. օրինակ՝
‣ շրջապատ, պարսպապատ, մանուածապատ։

Պերլինի Պատ՝ կառուցուեցաւ 1961ին, իբրեւ հետեւանք Պաղ Պատերազմին: Փուլ եկաւ 1980 Նոյեմբեր 9ին։ Անոր փլուզումը եղաւ Արեւելեան Եւրոպայի վրայ փչող բարեշրջման հովերը գագաթնակէտին հասցնող դէպքը։

Տեսակներ
— Ամաններու՝ ստամոքսի (ներքին)՝ ներքնակողմ:

— Բերդի՝ պարիսպ։

— Տախտակէ (շարժական կամ անշարժ)՝ միջնորմ:

— Քաղաքի՝ քաղաքորմ։

— Քարէ (անշաղախ)՝ քարկոճ։

Բաղադրեալ Բայեր
Չինական պատ քաշել
ներգործական բայ միջոցներ ձեռք առնել՝ երկիրի մը յարաբերութիւնը ուրիշ երկիրի մը հետ խզելու:

Պատ գալ
չէզոք բայ
    1. պտոյտ գործել.
    2. պատել, շրջապատել։

Պատ դառնալ
չէզոք բայ պատի գոյն ստանալ, երեսին գոյնը փոխել։

Պատ գնել
ներգործական բայ
    1. պատ շինել՝ շարել.
    2. յարաբերութիւնը խզել տալ։

Պատ քաշել
ներգործական բայ
    1. տեղի մը երկայնքին կամ շուրջը պատ շարել.
    2. մէկուն ըսածներուն առարկելով՝ հերքել.
    3. արգելք՝ խոչընդոտ գոյացնել։

Պատերը ելլել, պատերը բարձրանալ
չէզոք բայ գործը՝ հարցը շատ մեծցնել՝ չափազանցել։

Պատերու տակ իյնալ, պատերու տակ մնալ
չէզոք բայ անտուն՝ անտէր ըլլալ՝ դառնալ՝ մնալ:

Պատէ պատ իյնալ, պատէ պատ զարնուիլ՝
չէզոք բայ
    1. հոս ու հոն իյնալ՝ որոնել՝ փնտռել.
    2. ծուռ ու մուռ միջոցներու դիմել իրականութիւնը պահելու՝ չխոստովանելու համար։

Պատի գոյն դառնալ, ծեփ դառնալ
չէզոք բայ գունատիլ։

Դարձուածքներ
Եթէ պատը կը լսէ, ան ալ կը լսէ
երբեք չի լսեր, ոեւէ մէկուն խօսքին մտիկ չ՚ըներ։

Հա՛ պատին խօսեր ես, հա՛ իրեն
ամբողջովին չհասկցող է, ամբողջովին անուշադիր՝ անհնազանդ է։

Մեր խօսքը չորս պատի մէջ թող մնայ
խօսքը թող մեր մէջ մնայ, դուրսը թող չտարածուի։

Չորս պատ
    1. սենեակ՝ առանց որեւէ կահաւորումի.
    2. առանձնութիւն:

Պատերու տակ
    1. հոս ու հոն, ոչ-յայտնի տեղ.
    2. փողոցները։

Պատը ականջ ունի
մէկուն գաղտնի խօսակցութիւնը կրնայ լսուիլ՝ առանց որ ան կասկածի։

Պատը ծակ է (Ծծկբ.)
մեր խօսածը՝ լեզուն կը հասկնայ, զգո՛յշ եղիր։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1986
Nouveau!
(beta)
ՔԱՐԿՈՃ
գոյական առանց ծեփի եւ շաղախի քարէ պատ:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2415
Nouveau!
(beta)
 Usage beta 2 citations 

Usage of matching Word Forms

Aussi la recherche pour "քարկոճ" dans ces dictionnaires:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. dictionnaire arménien contient 17 718 mots
The site has 144 dictionaries and 3 books.
Français
Նայիրի / Nayiri.com