Vérificateur d'orthographe arménien
téléchargez HySpell maintenant
 Morphology

Matching Lexemes

 Dictionnaire
անրակ գոյական Ուսի եւ վիզի միջեւ ոսկոր:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 31։


ԱՆՐԱԿ
գոյական ուսոսկր։

Source: Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): p. 33
Nouveau!
ԱՆՐԱԿ ի (աց)
գոյական
    1. (Կազմախօսական) Երկարաձեւ բարակ ոսկր S ձեւով, ուսի վրայ, որի մի ծայրը միանում է կրծոսկրին, իսկ միւսը թիակին. (Clavicula)։
‣ Անրակը բանալիի ձեւ ունի։
‣ Աջ անրակը կոտրվել է։

    2. (Ճարտարապետական) Նուրբ՝ բոլորշի դրուագ սիւների խոյակի ներքեւ կամ խարսխի վրայ։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 207
Nouveau!
(beta)
ԱՆՐԱԿ
գոյական ուսոսկր, թիակը եւ կրծոսկրը միացնող ոսկոր։ Տե՛ս ՈՍԿՈՐ:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 158
Nouveau!
(beta)
ՈՍԿՈՐ,
ՈՍԿՐ
գոյական
    1. ֆոսֆորային եւ կրային բաղադրութեամբ պինդ նիւթ. զանազան ձեւի եւ մեծութեամբ, նիւթ՝ որմէ կազմուած է մարդու եւ ողնայարաւոր այլ կենդանիներու կմախքին իւրաքանչիւր անջատ մասը.
    2. մահացածի աճիւնի մնացորդ՝ մասունք (յոգնակի կը գործածուի).
    3. ձուկի փուշ.
    4. որոշ կենդանիներու ժանիքը՝ ակռան՝ եղջիւրը եւ այլն, իբրեւ զանազան իրեր՝ զարդեր պատրաստելու նիւթ.
    5. (Փոխաբերական իմաստ) կաշառք, կրծօն.
    6. (Փոխաբերական իմաստ) բաժին, մաս, շահ, օգուտ.
    7. (Փոխաբերական իմաստ) նիհարութիւն, հիւանդութիւն.
    8. (Փոխաբերական իմաստ) աղքատութիւն, անօթութիւն։

Տեսակներ
— Այտին՝ այտոսկր, թուշոսկր, աշխոռ, լծոսկր։

— Աչքին ոսկորէ երկու փոսերը՝ ակնակապիճ, ակնաբուն:

— Առաջին ողնը, որուն վրայ կը կենայ գլուխը՝ ատլաս, իսկ վերջինը՝ կկու։

— Արջառի վէգ՝ կոռ:

— Բազուկի երկու ոսկորներ՝ բազկոսկր։ Մեծը՝ տիզոսկր, խալիկ, ծղոսկր (Ֆրանսերէն cubitus), իսկ փոքրը՝ ճաճանչ, ճաճանչոսկր, ծղոսկրիկ (Ֆրանսերէն radius)։

— Բերանի խոռոչի վերի ոսկրեայ կամարը՝ քիմք:

— Գագաթի՝ գագաթոսկր, ծղիկ, ծղիկոսկր:

— Գանկի՝ գանկոսկր։

— Գանկոսկրներու կցուած տեղը՝ գաղտուն:

— Գլուխի գունտուկլոր՝ գանկ կամ գանկոսկր:

— Դաստակի ոսկորներէն մէկը՝ կեռոսկր (Ֆրանսերէն crochu)։

— Դէմքի՝ դիմոսկր։

— Երախային գանկին կակուղ մասերը՝ գաղտնակ:

— Երանքի կամ ազդրէն մինչեւ ծունկերը երկարող ոսկորներ՝ բարձոսկր, ամիրուկ։

— Զիստի՝ զստոսկր (Ֆրանսերէն fémur): Երկար է եւ ամենէն զօրաւորը մարմնի ոսկորներուն։

— Թիկունքի՝ թիկնոսկր (omoplate)։

— Թուշի՝ թուշոսկր, այտոսկր։

— Ծոծրակէն մինչեւ յետոյքի ոսկորներու շարքը՝ ողնայար, ողնաշար, ողնասիւն։

— Ծոծրակի՝ ծոծրոսկր։

— Ծունկի՝ ծնկոսկր, կողոփոց, լիսեռն, լիսեռնիկ, ծունկի կափարիչ (Ֆրանսերէն rotule)։

— Կզակի կամ ծնօտի վերի եւ վարի ոսկորներ՝ կզկոսկր:

— Կողի՝ կողոսկր։

— Կոնքի՝ կոնքոսկր։

— Կուրծքի վանդակի (կրծքավանդակ) երկու կողմի 12ական ոսկորներ՝ լանջոսկր, վանդակորմ, թոքտուն, կրծոսկր:

— Կռնակի կամ թիկունքի՝ թիակ, բէճ, բէչ կամ բէջ, ուսագլուխ:

— Կրունկի՝ պճեղ կամ պճիղ, ուլն, ուլնոսկր, ճագ։

— Ճակատի՝ ճակատոսկր:

— Մատներու՝ կոճ, կոճիկ, ճան, մատնոսկր:

— Մարմնի ոսկորներուն ամբողջութիւնը՝ կմախք:

— Նախաբազուկի՝ ծղի, ծղիկ, ծղուկ, արմկոսկր:

— Ողնայարի իւրաքանչիւր ողն՝ լիսեռ:

— Ողնաշարի երկրորդ ոսկորը՝ վերէն սկսած՝ ոռնակ:

— Ողնաշարի մեծ ողն՝ աւագողն:

— Ողնաշարի վարի՝ յետոյքի միսերուն թաղուած ոսկորներու խումբ՝ պոչ կամ փէօչ:

— Ոտքի թաթի երկու կողմերու դուրս ցցուած ոսկորներ՝ վէգ, ճան, յոգի կամ յոյգ, լիցք։

— Ուսի՝ ուսոսկր, անրակ, թիակ (Ֆրանսերէն omoplate)։

— Պզտիկ՝ ոսկրիկ:

— Սեպաձեւ՝ սեպոսկր (Ֆրանսերէն sphénoïde)։

— Սեռային երկու գործարաններու միջեւ գտնուող երկու մեծ եւ երկու փոքր ոսկորներ՝ կոնք:

— Սրունքի մեծ ոսկոր՝ ոլոք (Ֆրանսերէն péroné), իսկ ընկերը՝ խռչակ, խոտուց:

— Ցայլքի՝ ցայլոսկր։

— Քիթի՝ քթոսկր։

— Քիթի վերնամասը կազմող՝ խոխոսկր, խոփ (Ֆրանսերէն vomer)։

— Քիմքի՝ քմոսկր:

— Քունքի՝ քունքոսկր։

Բաղադրեալ Բայեր
Ոսկոր կտրիլ
չէզոք բայ
    1. ոսկորի պէս ամրանալ. ոսկրանալ.
    2. չորնալ, փայտանալ։

Ոսկոր ուզել
ներգործական բայ կաշառք ուզել, կրծօն ուզել։

Ոսկոր ու կաշի դառնալ, ոսկոր ու կաշի մնալ
չէզոք բայ հալիլ - մաշիլ, շատ նիհարնալ։

Ոսկորները աղալ
ներգործական բայ սաստիկ ծեծել:

Ոսկորները հանգստանալ
չէզոք բայ մեռնիլ:

Ոսկորները մնալ
չէզոք բայ սաստիկ նիհարնալ:

Ոսկորները տեղը գալ
չէզոք բայ
    1. տեղահան ոսկորները իրենց տեղը դրուիլ.
    2. հանգստանալ.
    3. (Հեգն.) ծեծ ուտել եւ ապա խելօքնալ:

Դարձուածքներ
Մինչեւ ոսկորները՝ ծուծը հասնող ցուրտ
սաստիկ ցուրտ:

Միսը քեզի, ոսկորը ինծի
կ՚ըսէր ծնողքը վարպետին՝ ուսուցիչին, երբ իր որդին կը յանձնէր անոր խնամքին, անհրաժեշտ պարագային՝ ծեծելու, իրաւունք տալով անոր։

Ոսկոր կրծող
    1. շուն.
    2. (Փոխաբերական իմաստ) կաշառակեր.
    3. (Փոխաբերական իմաստ) աղքատ, մուրացկան:

Քեզի ոսկոր նետող չկայ
    1. քեզի խօսք՝ ակնարկութիւն ընող չկայ.
    2. (Հեգն.) շան պէս հաջելու պէտք չունիս:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1862
Nouveau!
(beta)
ՈՒՍ
գոյական
    1. մարմնի այն մասը, ուր թեւերը կը կցուին վիզին (վիզէն մինչեւ թեւին վերնամասը).

    2. հագուստի՝ բաճկոնի այն մասը, որ կը ծածկէ մարմնին այդ մասը.

    3. չորքոտանիներու պարագային՝ առջեւի ոտքերուն՝ տոտիկներուն ամենէն բարձր մասը.

    4. (Փոխաբերական իմաստ) լերան լանջ, առաւելաբար կողային եւ վերին մասերը.

    5. (Խսկց.) շալակ, կռնակ.

    6. կրթութիւն, գիտութիւն. օրինակ՝
‣ անուս, թերուս։

Տեսակներ
— Ուսի ոսկորներ՝ թիակ եւ անրակ։

— Ուսի տակի փոս՝ անութ:

Բաղադրեալ Բայեր
Ուս դնել
ներգործական բայ ոգորիլ, դիմադրել։

Ուսը առնել
ներգործական բայ ուսերուն դնել։

Ուսը դէմ դնել, ուսը դէմ տալ
ներգործական բայ
    1. ուսով հրելու՝ տեղաշարժելու կամ անկումի արգելք ըլլալու ճիգ գործադրել.
    2. դիմագրաւելու ճիգ ընել, դիմադրել։

Ուսերը բարձրացնել, ուսերը թօթուել
ներգործական բայ
    1. ուսերը շարժելով մերժում՝ արհամարհանք արտայայտել.
    2. անտեղեակութիւն արտայայտել.
    3. անտարբերութիւն՝ անհոգութիւն արտայայտել.
    4. տարակոյս՝ կասկածանք յայտնել։

Ուսերը վեր քաշել
չէզոք բայ վրդովում յայտնել, զայրոյթ յայտնել։

Ուսերուն վրայ գլուխ ունենալ
չէզոք բայ խելացի ըլլալ, ուշիմ ըլլալ:

Ուսերուն՝ ուսերուն վրայ ծանրանալ
չէզոք բայ մէկուն վրայ ծանրանալ (պարտականութիւն՝ հոգ եւ այլն)։

Ուսերուն նստիլ, ուսին նստիլ
չէզոք բայ
    1. հաճոյքի համար՝ երեխային նստիլը, սովորաբար հօրը ուսերուն.
    2. մէկուն վրայ բեռ՝ ծանրութիւն ըլլալ.
    3. ընկճել, բռնանալ.
    4. շահագործել, կեղեքել։

Ուսէն իջնել
չէզոք բայ
    1. վար գալ.
    2. բեռէ՝ ծանրութիւնէ ազատիլ.
    3. բռնութենէ՝ վէճէ ազատիլ:

Ուսին առնել, ուսը առնել
ներգործական բայ
    1. ուսին նստեցնել.
    2. ուսէն կախել.
    3. բանի մը ծայրը՝ ծայրերը բռնելով՝ ուսով բառնալ. շալկել։

Դարձուածքներ
Ուս-ուսի
միատեղ՝ միասին համերաշխ աշխատիլ, իրարու օգնել:

Ուսերէն ծանր քար մը՝ բեռ մը իյնա
մեծ նեղութենէ ազատիլ, հոգէ ազատիլ, պարտականութենէ ազատիլ:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1919
Nouveau!
(beta)

Mots similaires
ամրակ
ամրաք
 Usage beta 13 citations 

Usage of matching Word Forms

Usage of matching Lexemes

Aussi la recherche pour "անրակ" dans ces dictionnaires:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. dictionnaire arménien contient 17 718 mots
The site has 144 dictionaries and 3 books.
Français
Նայիրի / Nayiri.com