Vérificateur d'orthographe arménien
téléchargez HySpell maintenant
 Dictionnaire
սրբանկար գոյական Սուրբ նկար (իքոն), սուրբի նկար:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 424։


ՍՐԲԱՆԿԱՐ
գոյական սուրբի՝ սրբազան նկար. սրբապատկեր։

Յարակից Բառեր
— Նկարողը՝ Սրբանկարիչ։

— Գործողութիւնը՝ Սրբանկարչութիւն:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2173
Nouveau!
(beta)
ՆԿԱՐ
գոյական
    1. քաշուած պատկեր, լուսապատկեր.
    2. իւղանկար, ջրանկար.
    3. ձեւ, օրինակ, նմանութիւն.
    4. (Փոխաբերական իմաստ) բնաւորութիւն:

Տեսակներ
— Ամբողջական՝ համապատկեր:

— Առաջին՝ նախանկար։

— Բնաւորութեան՝ նկարագիր։

— Բնութեան՝ բնանկար:

— Գեղեցիկ՝ գեղարուեստական՝ գեղանկար:

— Արուեստագէտը՝ գեղանկարիչ։

— Արուեստը՝ գեղանկարչութիւն:

— Գիծով՝ գծանկար։

— Դէմքի՝ դիմանկար։

— Երգիծանքի՝ երգիծանկար:

— Զարդ պարունակող՝ զարդանկար:

— Արուեստը՝ զարդանկարչութիւն:

— Իւղով՝ իւղանկար։

— Լոյսով պատրաստուած՝ լուսանկար։

— Արհեստաւորը՝ լուսանկարիչ։

— Խիճերով՝ խճանկար:

— Խումբի՝ խմբանկար:

— Ծածուկ՝ ծածկանկար։

— Կաւիճով՝ կաւճանկար:

— Կէտերով՝ կիտանկար։

— Մատիտով՝ մատիտանկար:

— Նուրբ՝ նրբանկար։

— Շարժուն՝ շարժանկար, շարժապաատկեր։

— Որմի՝ որմանկար։

— Ուրուային՝ ուրուանկար:

— Պզտիկ՝ մանրանկար: Մանրանկարի արուեստ՝ մանրանկարչութիւն:

— Ջուրով՝ ջրանկար։

— Սուրբի՝ սրբանկար։

— Տամուկ՝ տամկանկար:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1709
Nouveau!
(beta)
ՊԱՏԿԵՐ
գոյական
    1. կերպարանք, տեսք, դէմք.

    2. ներկերով նկարուած դէմք՝ կերպարանք.

    3. դէմքի դրոշմ մետաղի վրայ.

    4. դէմք՝ կերպարանք քարէ քանդակուած կամ մետաղէ ձուլուած. արձան.

    5. քանդակուած կուռք.

    6. սուրբերու նկար. սրբանկար.

    7. որեւէ բովանդակութեան նկար՝ նկարագրութիւն.

    8. որեւէ բանի ընդօրինակուած վերարտադրութիւն. նկար, լուսանկար.

    9. առարկայի անդրադարձած տեսք՝ երեւոյթ.

    10. որեւէ գծագրութիւն կամ նկար, գունաւոր կամ սեւ, որ կը դրուի գիրքի մէջ՝ բնագիրին բացատրութեան համար. օրինակ՝
‣ պատկերազարդ հրատարակութիւն.

    11. տեսարան, բնապատկեր.

    12. (Հոգեբանական) տեսողութեան միջոցաւ անգամ մը ըմբռնուածին թանձրացեալ կամ մտաւոր վերարտադրութիւնը.

    13. (Հոգեբանական) զգայութեան մը մտաւոր եւ ընդհանրապէս տկար կրկնումը.

    14. (Փոխաբերական իմաստ) որեւէ բանի ընդհանուր վիճակը՝ դրութիւնը՝ իրավիճակը.

    15. (Փոխաբերական իմաստ) նկարագիր, բնութագիր.

    16. (Փոխաբերական իմաստ) տեսիլք, ուրուական.

    17. թատերական երկի գործողութեան մաս՝ բաժին, որ կը պահանջէ յատուկ բեմայարդարում.

    18. նմանակ, նմանութիւն, ընդօրինակութիւն.

    19. էութիւն, բնոյթ.

    20. գեղարուեստական ստեղծագործութիւն՝ նկարագրութիւն անցքերու՝ կենցաղի, ընդհանրապէս՝ տեսարաններու.

    21. որեւէ բանի ընդհանուր գաղափարը ներկայացնող քաղուածքներու՝ նիւթերու եւ այլնի ժողովածոյ:

Տեսակներ
Կենդանի պատկեր
գոյական բեմական ներկայացում, ուր մարդիկ հանդէս կու գան առանց խօսելու եւ շարժումներու:

Տեսակներ
— Բնութեան՝ տեսարան, բնապատկեր։

— Գեղեցիկ՝ գեղանկար։

— Գիծով՝ գծապատկեր։

— Գրագիտական՝ փոխաբերութիւն:

— Դրամի՝ դիմագիծ, պատկերագիր։

— Ընդհանուր՝ համապատկեր, համայնապատկեր:

— Թատերախաղի՝ տեսարան:

— Իւղով՝ գոյներով՝ իւղանկար։

— Լոյսով՝ լուսանկար, լուսապատկեր։

— Խորհուրդի՝ 1. խորհրդանիշ, նշանակ. 2. խորհրդապատկեր.

— Խօսքի՝ ոճի՝ օրինակ։

— Խօսքով՝ գիրով՝ ձեւերով ներկայացուած՝ ներկայացում:

— Կենդանի՝ պատկերախումբ։

— Հեռացոյց՝ հեռանկար, հեռապատկեր։

— Մարտ՝ պատկերամարտ:

— Ջրաներկով՝ ջրաներկ:

— Սուրբի՝ սուրբերու՝ սրբանկար, սրբապատկեր։

— Վերարտադրեալ՝ պատճեն, օրինակ, վերարտադրութիւն:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2000
Nouveau!
(beta)
 Usage beta 4 citations 

Usage of matching Word Forms

Aussi la recherche pour "ՍՐԲԱՆԿԱՐ" dans ces dictionnaires:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. dictionnaire arménien contient 17 718 mots
The site has 144 dictionaries and 3 books.
Français
Նայիրի / Nayiri.com