Free Armenian spellchecker
Get HySpell now!
 Morphology

Matching Word Forms

տնով-տեղով → տնով-տեղով

Matching Lexemes

 Dictionary
＋dialectal word ՏՆՈՎ-ՏԵՂՈՎ
մակբայ Տե՛ս Տուն-տեղ՚ի տակ։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2190
New!
(beta)
ՏՈՒՆ տան (տամբ, տունք, տանց), տանից կմ տնից, տնով, տներ
գոյական
    1. Մեծ կամ փոքր շինութիւն, վերեւից կտուրով ծածկած, դռներով ու պատուհաններով, որի մէջ ապրում են մարդիկ։
‣ Քաղաքի ծայրին մի փոքր տուն ունէինք, երեք աչքից բաղկացած։
‣ Մեր տներն իրար կից էին։
‣ Տան յետեւը պարտէզ կար։
‣ Տանից դեռ չի դուրս եկել։
‣ Հիմայ մեզ մօտ հինգ-վեց յարկանի տները սովորական են։
‣ Հիւսիսային Ամերիկայում տներ են լինում մինչեւ հարիւր յարկանի, որոնք կոչվում են՝ երկնաբերձ կամ երկնաքեր։
‣ Քարաշէն՝ փայտաշէն՝ աղիւսաշէն տուն։
‣ Անշուք՝ շքեղ՝ փառահեղ տուն։
‣ Միայարկ, երկյարկանի, եռայարկ տուն։
‣ Խարխուլ՝ բլբլկած տուն։
‣ Բերդի նման (= ամրակառոյց) տուն։

Phrases
Տնից տուն՝ տուն կաւերի, գեղից գեղ՝ գեղ կաւերի
(ասացուած), Տնից տուն՝ գիւղից գիւղ փոխադրվելը տնտեսապէս քայքայում է մարդկանց։

⨀old meaning 2. Վրան, տաղաւար բնակութեան համար։

Համեմատել Վաչկատուն։

    3. Ապարանք, պալատ։
‣ Իշխանական տուն։
‣ Թագաւորի տունը։
‣ Մովսէս մեծացաւ փարաւոնի տանը։

⨀old meaning 4. Տան յարկ։

⨀old meaning 5. Տան մէջ առանձին սենեակ։

＋dialectal meaning 6. Արեւելեան ճարտարապետութեամբ՝ տան կենտրոնական աչքը (սենեակը), որի վրայ գտնվում է երդիքը և որի շուրջը գտնվում են միւս աչքերը － սենեակները, խոհանոցը, ախոռը ևն։
‣ Տան երդիքից ախելոճը կախված էր։
‣ Առաջ մտնում էինք բակը, այնտեղից տունը, որի աջ կողմը խոհանոցն էր, իսկ ձախ կողմը սենեակները։

Նմանութեամբ
    7. Զանազան շինութիւններ, որոնք յատկացրած են մարդկանց որոշ աշխատանքի, օրինակ՝

Types
Աղօթքի տուն, Աստծու տուն
գոյական Եկեղեցի։

⨀old word Վարժից տուն
գոյական Վարժատուն, ուսումնարան։

Այսպէս նաև բարդութիւնների մէջ －աղօթատուն, վարժատուն, սեղանատուն, հարսնետուն, մեռելտուն, կաթնատուն, գժատուն, նոյնպէս՝ աղաւնատուն, աստեղատուն ևն։

    8. Շինութիւն, որտեղ զետեղված է քաղաքի վարչութիւնը։
‣ Քաղաքային տան առջեւ մեծ հրապարակ բացին։
‣ Քաղաքային տունը երեք փողոցի վրայ է նայում։

    9. Առեւտրական հիմնարկ։
‣ Նրանց առեւտրական տունը մի քանի բաժանմունքներ ունի Եւրոպայի մեծ քաղաքներում։
‣ Այն յայտնի բանկային տունը սնանկացաւ։

⨀old meaning 10. Լայն մտքով՝ նախարարական կալուած, իւր բնակիչներով։
‣ Անդեկանը Վաղարշ թագաւորին համոզում էր՝ Հայաստանի մարզպան նշանակել Վահան Մամիկոնեանին, որովհետեւ, ասում էր, նա իւր տան համբարը կուտէ և արքունիքից ծախս չի պահանջի։
‣ Այրարատեան նահանգը կոչվում էր արքունի տուն, իբրև Արշակունի թագաւորների կալուած։

⨀old meaning 11. Երկիր, աշխարհ, իւր բնակիչներով։
‣ Տուն Թորգոմայ = Հայաստան։
‣ Տունն Իսրայէլի կամ Յակոբայ = Հրէաստան։
‣ Անգեղ տուն։

Այսպէս նաև՝
‣ Վրաստուն, Պարսկաստուն։

Փոխաբերաբար
    12. Տան մէջ ապրողները։
‣ Ողջ տունը սգով լցրին։
‣ Վատահամբաւ տուն։
‣ Ամբողջ տունը վարակված էր, ծառաներից սկսած մինչև տանտիկինը։

    13. Երդ, ընտանիք, գերդաստան։
‣ Երեք եղբայրները բաժանվեցին և առանձին տուն եղան։
‣ Նրանց տունը շատ ուրախ տուն է։
‣ Գիւղը չորս հարիւր տնից էր բաղկացած։
‣ Ամեն մի տուն մի մշակ էր տալիս ճանապարհը շինելու։
‣ Շէն՝ ճոխ տուն։
‣ Խեղճ՝ աղքատ տուն։

⨀old meaning 14. Կին։
‣ («Տուն ունի՞ս, տուն առեր ես»)։

    15. Ազգատոհմ, ցեղ։
‣ Մամիկոնեան տունը տուել է բազմաթիւ հերոսներ։
‣ Նախարարական տներ։
‣ Կայսերական տան անդամները կրում էին մեծ իշխան տիտղոսը։

    16. Տան գործեր։
‣ Նա լաւ տուն է պահում։
‣ Տուն կառավարել չգիտես։

Նմանութեամբ
    17. Ոտանաւորի մի մաս, որի մէջ տաղաչափութեան ձեւը (յանգերի՝ վանկերի նկատմամբ) ամբողջացած է։
‣ Տաղաչափական տները բաղկանում են երկու՝ չորս՝ վեց՝ ութ և աւելի տողից։
‣ «Ո՞նց գաս, իմ լուսնակ» բանաստեղծութեան մէջ տունը երկու տողից է բաղկացած. «Մայր Արաքսի»-ի մէջ՝ չորս տողից. «Ո՜հ, ի՜նչ անուշ»-ի մէջ՝ վեց տողից. «Եղբոր բացուին»-ի մէջ՝ ութ տողից։

    18. «Սուրբ Գրքի» մէջ՝ փոքր հատուած, որ առանձին թուանշան է կրում։
‣ «Սուրբ Գրքում» գլուխները բաժանված են համարագրված տների։
‣ Երկու տուն սաղմոս են ասում և իսկոյն շարականն սկսում։

    19. Նարդախաղի մէջ՝ խաղացողներից իւրաքանչիւրի մօտի այն բաժանմունքը (աջի կամ ձախի), որտեղ բոլոր քարերը հաւաքում են և ապա սկսում ժողովել։
‣ Երբ ես քարերս տուն ժողովեցի՝ նա արդէն ութ քար վերցրել էր։
‣ Ես նրանից առաջ տուն մտայ, բայց նա զոյգեր բերելով խաղը տարաւ։

＋dialectal meaning 20. Գութանին լծված ամեն մի զոյքը։
‣ Գութանի տները որոշ գաւառներում կոչվում են － 1. ամոլ, 2. ուժտուն, 3. խարզնտուն, 4. խնձորտուն, 5. մկնտուն, 6. փոշետուն, 7. հորետուն։

＋dialectal meaning 21. Ջուլհակի բանկահում՝ նետի տակ գտնվող փայտը։

＋dialectal meaning 22. Մի զգեստ կարելու համար հարկաւոր բոլոր պարագաները։

Phrasal Verbs
Տուն տանել
ներգործական բայ Նորապսակ հարսին (կամ զոյգին) առաջին անգամ հրաւիրել իրանց տունը (ազգականների կողմից), որով հաստատվում է երթեւեկութիւն նորապսակ զոյգի և հրաւիրող ընտանիքի միջեւ։
‣ Փեսայի քեռանքը նոր հարսին տուն են տարել։
‣ Հարսի հօրեղբրանքը նորապսակներին տուն տարան։

Տուն տեղ լինել, Տուն ու տեղ լինել, Տուն տեղ դառնալ, Տուն ու տեղ դառնալ
չէզոք բայ Տուն ունենալ ու սարքաւորվել, ամուսնանալով առանձին ընտանիք կազմել։
‣ Նոր էր ամուսնացել, տուն ու տեղ եղել, որ յանկարծ այդ փորձանքը պատահեց։

Տուն տեղ անել, Տուն ու տեղ անել
ներգործական բայ Մէկին տան մէջ սարքաւորել, ամուսնացնելով առանձին ընտանիքի տէր դարձնել։
‣ Երանի՜ քեզ, որդոցդ պսակեցիր, բոլորին տուն ու տեղ արիր։

Տունը մնալ, Տանը մնալ
չէզոք բայ Մարդու չգնալ, ծնողների տանը մնալ (չափահաս աղջիկների)։
‣ Նրանք հիմայ քչուոր են, իրանք են և իրանց տանը մնացած աղջիկը։

Տունը քանդել
ներգործական բայ Կործանել, աւերել, փոխաբերաբար մեծ վնաս հասցնել։

Phrasal Verbs
Տուն քանդվել
կրաւորական չէզոք բայ նոյնը կրաւորական չէզոք նշանակութեամբ։

Phrases
Տունուտեղ, Տուն ու տեղ, Տուն-տեղ
գոյական Տունը իր ամբողջ սարքով։
‣ Տունս-տեղս աւերեցին։

Տնով-տեղով
մակբայ Տնով և բոլոր սարքով, ամբողջ տնով։
‣ Ձեզ բոլորիդ տնով-տեղով կկորցնեմ։
‣ Տնով-տեղով գաղթեցին։

Քո տունը չքանդվի
Յանդիմանական բացագանչութիւն՝ երբ յանկարծ լսում են մէկի գործած մեծ սխալմունքը։
‣ Մէկը եկաւ, քեզ հարցրեց, ասացի՝ ոչ ոքի չի ընդունում, և նա գնաց. －Քո տունը չքանդվի, ախար նա իմ բարեկամն էր, Պարիզից նոր եկած. ես խնդրել էի ինձ մօտ հանդիպել։

Տնէ տուն, Տնից տուն
մակբայ Մի տանից միւսը, տները մէկը միւսի յետեւից։
‣ Տնէ տուն ման էին գալիս։
‣ Տնէ տուն փոխադրվել։

＋dialectal word Տուն է, անտուն չէ
(Ծածկաբանութիւն), Լաւ է, վատ չէ։ Համեմատել Տօն (7)։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2199
New!
(beta)
2. ՏԵՂ տեղի
գոյական
     Տարածութեան նշանակութեամբ։

    1. Ընդհանրապէս տարածութիւն։
‣ Նա ամեն տեղ էլ լինում է։
‣ Ծովի մէջ այնպիսի խոր տեղեր կան, որ հունը չեն գտել։
‣ Ֆիզիկայի մէջ մարմին է կոչվում այն ամենը, ինչ որ որեւէ տեղ է բռնում։

    2. Որեւէ տարածութիւն գետնի երեսին, վայր։
‣ Տեղ շատ՝ ուր ուզում ես՝ գնա՛։
‣ Ընկան քարքարոտ տեղեր։
‣ Արեգունի տեղ։
‣ Ծմակ տեղ։
‣ «Արծաթի բարձր տեղ է, Ջուրը հիւանդի դեղ է»։

    3. Տարածութեան մի մաս, որ յատկացրած է մշակութեան, հող, գիւղ։
‣ Ամենքն էլ գանգատվում են, որ տեղերը քիչ է։
‣ Երկու հեկտար տեղ ունիմ, ո՞ր մի բանի օգտեցնեմ։
‣ Լեռան լանջը արօտի հիանալի տեղ է։
‣ Շոգ կլիման խնձորի տեղ չէ։
‣ Խաղողի լաւ տեղը Երեւանն է։

    4. Որտեղ ապրում են, բնակավայր։
‣ Ձեր մշտական բնակութեան տեղը քաղա՞քն է թէ գիւղը։
‣ Նա հաստատ տեղ չունի ապրելու, շարունակ ուղեւորութեան մէջ է։

    5. Բնակարան։
‣ Երեք աչք տեղ ունինք, եօթը հոգով ապրում ենք։
‣ Ամեն մէկիս ընկնում է հինգ մետր տեղ։
‣ Մեր տեղը շատ նեղուածք է, այդքան հիւր ո՞րտեղ պիտի տեղաւորենք։

    6. Որտեղ նստում են, ինչ որ յարմարեցրած է նստելու։
‣ Տեղ բացէք խնամու համար. նստի՛ր, խնամի։
‣ Վեր հրամեցէք. ձեր տեղը սեղանի գլուխն է։
‣ Տեղս հանգիստ է, շնորհակալ եմ։

Phrases
«Ինձի նեղ կանեմ, Քեզի տեղ կանեմ»
(ասացուած), Նեղութիւն յանձն կառնեմ՝ քեզ համար յարմարութիւն ստեղծելու համար։

    7. Որտեղ պառկում են քնելու, անկողին։
‣ Երեկոներին տեղերը ձգում՝ քնում են, առաւօտները տեղերը վեր են քաղում, ծալքը դնում։
‣ Տեղից դեռ չի վեր կացել, մի ժամից եկէք։
‣ «Տեղ եմ քըցել ղալամքեար, Մէջն եմ դըրել Քեալանթար» (ջան գիւլում)։

    8. Թատրոններում՝ երկաթուղիներում աթոռ կամ նստարան՝ սահմանված մի մարդու համար։
‣ Թատրոնում իմ տեղս աջ կողմումն էր, չորրորդ կարգում։
‣ Դուք սխալմամբ իմ տեղս էք նստել։
‣ Օթեակում հինգ տեղ կայ, հինգ մարդուց աւելի չի կարելի մտնել։
‣ Այս նստարանը երեք մարդու համար է, դուք երկու հոգի էք, ուրեմն դեռ մի մարդու ազատ տեղ կայ։
‣ Իրերը դրել է նստարանի վրայ, տեղ է բռնել։

    9. Փոխաբերաբար Աթոռ և սեղան, որ մէկը գրաւում է որոշ գործ անելու համար, որ նշանակված է որոշ պաշտօնեայի համար. պաշտօն, ծառայութիւն։
‣ Հաշուապահի ազատ տեղ չունինք, բոլոր տեղերը բռնված են։
‣ Մեզ մօտ մեքենագրուհու տեղ բացվեց, չէ՞ք ուզում մեզ մօտ մտնել աշխատելու։

＋dialectal meaning 10. Արգելարան, բանտ։
‣ Նրան տարան, տեղը գցեցին։

    11. Որտեղ մի բան գտնվում է։
‣ Ես գետնամորիի մի լաւ տեղ գիտեմ, գնանք ժողովենք։
‣ Ամեն բան իւր տեղում պէտք է դնել։
‣ Մկրատը ո՞ւր է, տեղը չգիտէ՞ք։

    12. Որտեղից մի բան կարելի է ճարել։
‣ Ես մի հարիւր մանէթի տեղ արի։
‣ Չորս կողմն աչք էր ածում, մի հարուստ հարսնացուի տեղ էր անում։

    13. Մարմնի որոշ մասը։
‣ Ո՞րտեղդ է ցաւում. －Ոչ մի տեղս չի ցաւում։
‣ Միս առնելիս նայիր, որ չաղ տեղից կտրէ։

    14. Գրուածքի՝ ճառի որոշ կտորը։
‣ Դեռ կարդա՛, ամենահետաքրքրական տեղերը յետոյ են գալիս։
‣ Ես ամենից շատ հաւանեցի ճառի այն տեղին, երբ հռետորն սկսեց քննադատել հակառակորդներին։

    15. Գործուածքի տակի գոյնը, որի վրայ նախշերն են, տափ։
‣ Մի գեղեցիկ գորգ ունի, տեղն սպիտակ։
‣ Կապոյտ կտորով տեղը քեզ չի սազի։

Նմանութեամբ
    16. Յարմարութիւն, պատշաճութիւն։
‣ Խօսքդ լաւ տեղին էր։
‣ Դու էլ տե՞ղը գտար այդ առաջարկութիւնն անելու։
‣ Ո՞վ է մածնի վրայ գինի խմում. գինու տեղը խորովածի վրայ է։
‣ «Տեղը եկաւ՝ հայ է նա, տեղը եկաւ՝ այլազգի»։

    17. Դրութիւն, վիճակ։
‣ Բանը չպէտք է այդ տեղը հասցնել։
‣ Քեզ այն տեղը կձգեմ, որ ծնած օրդ կանիծես։

    18. Դիրք, աստիճան։
‣ Ամեն մարդ իւր տեղը պիտի գիտենայ։
‣ Ձեր տեղը դպրոցումը չէ, ձեր տեղը համալսարանումն է։

    19. Հանգամանք, պայման։
‣ Չի կարելի խստիւ պատուիրել, որ նա անշուշտ այդ ընթացքը բռնէ. նա պէտք է այս կամ այն դիրքը բռնէ՝ տեղին նայելով։
‣ Տեղ կայ՝ լռութիւնը ոսկի է, տեղ կայ՝ ոճիր է։

    20. Հերթ շարքի մէջ։
‣ Նրանք առաջ վերջին տեղերից մէկն էին բռնում արդիւնագործութեան մէջ, այժմ արդէն երկրորդ տեղն են բռնում։
‣ Առաջին տեղում՝ մենք պահանջում ենք…, երկրորդ տեղում…։

    21. Ինչ որ փոխարինում է մի բան, փոխարէնը։
‣ Բազմոցը կվերցնեմ, տեղը երկու աթոռ կդնեմ։
‣ Կաթիցը մի քիչ խմեց, տեղը ջուր ածեց, ամանը լքցրեց։
‣ Մատանիս որ քեզ տամ, դո տեղն ինձի ի՞նչ կտաս։

Նախադրութիւն
    22. Փոխանակ։
‣ Եթէ դրանք լռեն՝ դրանց տեղ քարերը կաղաղակեն։
‣ Ես տկար եմ, չեմ կարող գալ, իմ տեղ որդիս կգայ։
‣ Այգուց խաղող էինք սպասում. խաղողի տեղ փուշ բերեց։

Derivatives
Տեղին
ածական մակբայ Պատշաճ, յարմար, ի դէպ։ Հակառակը՝ Անտեղի։
‣ Քո խօսքդ շատ տեղին էր։
‣ Տեղին ասացիր, որ նա անպէտք է։
‣ Քիչ է խօսում, բայց երբ խօսում է՝ տեղին է խօսում։

գործ է ածվում նաեւ՝ Տեղի անտեղի

Տեղով
մակբայ 1. Տե՛ս Տեղից տեղ (1, 2)։

ածական 2. Յարմար, խելքի մօտիկ։
‣ Եթէ ուզում ես ծախել՝ տեղով գին ասա։

Տեղօք
մակբայ 1. Տե՛ս Տեղով։

ածական 2. Ամեն բան կարգին, կանոնաւոր. (արտաքին կերպարանքի մասին)։
‣ Տեղօք աղջիկ է։

Phrasal Verbs
Տեղ անել
չէզոք բայ
    1. Տեղ բանալ, որ մէկը նստի։
‣ Մի քիչ սեղմվեցէք, նրա համար էլ տեղ արէք, նստի։

    2. Անկողինը ձգել։
‣ Տեղ արա (կամ տեղս արա) պառկիմ, ճար չունիմ։

    3. Մի տեղ գտնել, որտեղից կարելի է այս-ինչ բանը ձեռք բերել։ (Տե՛ս Տեղ, 12)։

Տեղ դնել
ներգործական բայ Համարել, ընդունել իբրև։
‣ Մենք քեզ մարդու տեղ դրինք, մի գործ յանձնեցինք։
‣ Դուք ինձ ո՞ւմ տեղ էք դնում։

Բանի տեղ դնել
ներգործական բայ Նշանակութիւն՝ կարեւորութիւն տալ։
‣ Նրա խօսքերը բանի տեղ մի՛ դներ։
‣ Գլուխս քիչ ցաւում էր, բանի տեղ չդրի, գնացի գործի, ծանրացայ։

Տեղը բերել
ներգործական բայ
    1. Մի բան սարքելիս՝ մասերը ճիշտ տեղաւորել՝ ինչպէս հարկն է։
‣ Կարի մեքենան լաւ չէր աշխատում, թելը կտրում էր, բացեց, քանդեց, դրստեց, տեղը բերեց։

    2. Երգի՝ խօսքի մէջ մի որոշ կտոր ճիշտ արտայայտել։
‣ Երգում եմ, բայց մի տեղ կայ որ չեմ յիշում, չեմ կարող տեղը բերել։
‣ Ոտանաւորը գրեցի, բայց մի անիծված յանգ չեմ կարողանում տեղը բերել, դուրս չի գալիս։

չէզոք բայ
    3. Յարմար առիթը գտնել, յարմար առիթից օգտվել։
‣ Երբ տէրտէրը յանդիմանում էր ժողովրդին, որ հայհոյիչ են, հարբեցող են, մէկը լաւ տեղը բերեց ու ասաց. տէրտէրներից օրինակ են առնում։

(Տե՛ս Տեղը գալ)։

Տեղը բռնել
չէզոք բայ
    1. Մէկի տեղը գրաւել։
‣ Նրանք պատրաստ են իմ տեղը բռնելու։

    2. Մի բան փոխարինել։
‣ Մալարիայի դէմ միակ կտրուկ դեղը խինինն է, ոչ մի ուրիշ դեղ չի կարող նրա տեղը բռնել։
‣ Ինչքան էլ սիրէ՝ էլի մօր տեղը չի բռնի։

Phrases
Տեղ ու դադար
գոյական Հանգիստ, հանգստութիւն։
‣ Տեղ ու դարար չունինք որ նստինք։

Տեղը տաք
ածական Ապահով վիճակ ունեցող, անկարօտ, ունեւոր։
‣ Տեղը տաք է, ինչի՞ց է վախում։
‣ Տեղդ տաք է, իհարկէ, մեծ-մեծ ես բրդում։

Տեղն ու տեղը, Տեղն ի տեղը
մակբայ Տե՛ս Տեղից տեղ։

Տեղը տեղին
մակբայ
    1. Տեղովը, մանրամասն։
‣ Գլխին եկածը տեղը տեղին պատմեց։

    2. Իսկութեամբ, կէտ առ կէտ։
‣ Բոլոր ասածներս տեղը տեղին կատարվեցին։

Տեղի անտեղի
մակբայ Երբեմն տեղին, երբեմն անտեղի, ի դէպ և յանդէպ։
‣ Տեղի անտեղի գլխիցը դուրս է տալիս։
‣ Ինչ որ այս ու այնտեղ լսել է՝ տեղի անտեղի պատմում է, սուտ ու սխալ։

Տեղից տեղ
մակբայ
    1. Տեղը տեղին, մանրամասնաբար։
‣ Ինչ որ իրան ասացի՝ գնացել բոլորը տեղից տեղ պատմել է հօրը։

    2. Բոլորովին, իսպառ։
‣ Ինչ որ ասացիր՝ բոլորը տեղից տեղ սուտ է։
‣ Նա հօ տեղից տեղ գիժ է։

    3. Հէնց նոյն տեղումը, իսկոյն, առ ժամայն։
‣ Պատից վէր ընկաւ ու տեղից տեղ մեռաւ։

Այն տեղուանքը չէ
Կարեւորութիւն չի տալիս, ուշադրութիւն չի դարձնում։

Տե՛ս եւ Տեղի, Տեղիք։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2158
New!
(beta)
＋dialectal word ՏԵՂՈՎ
Տե՛ս Տեղ՚ի տակ։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2163
New!
(beta)
 Usage beta 8 citations 

Usage of matching Word Forms

Usage of matching Lexemes

Also search for "Տնով-տեղով" in these imaged dictionaries:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. Armenian dictionary contains 17,718 words.
The site has 144 dictionaries and 3 books.
English
Նայիրի / Nayiri.com