Free Armenian spellchecker
Get HySpell now!
 Dictionary
տեղեկատու ածական, գոյական Տեղեկութիւն հաղորդող (անձ, թերթ):

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 453։


ՏԵՂԵԿԱՏՈՒ
ածական
    1. Տեղեկութիւններ՝ տեղեկանքներ տուող։
‣ Տեղեկատու պաշտօնեան ինձ հաղորդեց բոլոր իմ ցանկացած տեղեկանքները։
‣ Տեղեկատու բիւրօ։

    2. Տեղեկանքներ պարունակող։
‣ Տեղեկատու գրքեր։
‣ Ընդարձակ օրացոյցները ունին տեղեկատու բաժին՝ բազմատեսակ տեղեկանքներով։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 2162
New!
(beta)
ՏԵՂԵԿԱՏՈՒ
ածական գոյական
    1. տեղեկութիւններ՝ տեղեկանքներ տուող՝ հաղորդող (անձ՝ հրատարակութիւն՝ գրասենեակ). ծանօթացնող, լուր տուող.
    2. զանազան հարցերու վերաբերեալ տեղեկութիւններ պարունակող (գիրք)։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2274
New!
(beta)
ՄԱՄՈՒԼ
գոյական
    1. ճնշելու, ճզմելու, պինդ բռնելու համար որեւէ գլան, գործիք կամ մեքենայ. ճնշան.

    2. տպելու մեքենայ.

    3. լրագրութիւն.

    4. պրակ, մամուլահամար (սովորաբար 16 էջ):

Բայարմատն է մալ, որ կը նշանակէ ճմլել, ճնշել, տրորել։ Գործողութիւնը պէտք է կոչուէր մալում։ Կ՚ենթադրենք որ մ եւ լ գիրերու տեղափոխումով կամ արմատին կրկնութեամբ, մուլ ձայնդարձով, մալ-մուլ եղած է մամուլ, որ ճնշելով օրինակներու հանում կը նշանակէ:

Ժամանակի ընթացքին, գաղափարներու յարակցութեամբ, այն գործիքը, իմա՛ մեքենան, որ կը ճնշէ, կը տպէ, ուրկէ տպագրական մամուլ եզրը։

Ու տակաւին, երրորդ ոստումով մը － լրագիրները, պարբերաթերթերն ու տարեգիրքերը, որոնք կանոնաւոր հերթականութեամբ լոյս տեսնող հրատարակութիւններ են եւ մեծ մասամբ խումբ մը մարդոց մտածումներն ու զգացումները կը փոխանցեն ընթերցող հանրութեան։

Related Words
— Մամուլի հոմանիշ՝ թերթ, լրատու, լրաբեր, տեղեկատու (նեղ իմաստով). լրագրութիւն եւ հրապարակագրութիւն (լայն իմաստով): Անցեալ դարուն կը գործածէին լրոյ գիր, լրագիր, օրագիր, հանդէս եւ այլն բառերը:

Կարճ սահմանումով, մամուլ եզրով կը հասկնանք որոշ պարբերականութեամբ հրատարակութիւններ － օրաթերթէն մինչեւ տարեգիրք:

Հայ մամուլին երախայրիքը՝ առաջին պտուղն է Ազդարար ամսագիրը, լոյս տեսած Հնդկաստանի Մատրաս քաղաքին մէջ, 1794 Հոկտեմբեր － 1796 Փետրուար, Յարութիւն Քահանայ Շմաւոնեանի կողմէ։

Արեւելահայոց առաջին թերթն է Արեւելեան Ծանուցմանց (1815), արեւմտահայոց՝ Լրոյ Գիր (1832): Արեւմտահայաստանի՝ Արծուի Վասպուրական (Վան, 1858)։ Արեւելահայաստանի՝ Արարատ (Էջմիածին, 1868): Լիբանանի՝ Լոյս (1918):

Այսօր ունինք թերթեր որոնք դարէ մը աւելի կեանք ունին: Մեր ամենէն երկարակեաց թերթերն են՝ Բազմավէպ (Վենետիկ), որ սկսած է 1843ին, Հանդէս Ամսօրեայ (Վիեննա) 1887ին։

Յաջորդականօրէն կը նշենք 60 եւ աւելի տարուան կեանք ունեցող մեր թերթերը եւ անոնց հիմնադրութեան տարեթիւերը։

Հայրենիք օրաթերթ (Պոսթըն), 1899. Երիտասարդ Հայաստան (Նիւ Եորք, ապա՝ Նիւ Ճըրզի), 1903. Ժամանակ (Պոլիս), Ասպարէզ (Ֆրէզնօ, ապա՝ Լոս Անճէլըս), 1908. Յուսաբեր (Գահիրէ), 1913. Արեւ (Գահիրէ), 1915. Պայքար (Պոսթըն), 1921. Լրաբեր (Լոս Անճէլըս), 1922. Նոր օր (Լոս Անճէլըս), 1922. Մարմարա (Պոլիս), 1924. Մարանաթա (Հալէպ - Պէյրութ), 1925. Յառաջ (Փարիզ), 1925. Սիոն (Երուսաղէմ), 1927. Ազդակ (Պէյրութ), 1927։

Ներկայիս՝ Սփիւռքի մէջ լոյս կը տեսնէ շուրջ 420 մեծ ու փոքր թերթ:

Լիբանանի մէջ մեր երեք օրաթերթերն են՝ Ազդակ (1927, Մարտ 5), Արարատ (1937, Նոյեմբեր 7) եւ Զարթօնք (1937, Սեպտեմբեր 26):

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1401
New!
(beta)
 Usage beta 11 citations 

Usage of matching Word Forms

Also search for "ՏԵՂԵԿԱՏՈՒ" in these imaged dictionaries:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. Armenian dictionary contains 17,718 words.
The site has 144 dictionaries and 3 books.
English
Նայիրի / Nayiri.com