Nayiri.com

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 327

Neu!

(beta)

ՄԷՋ

նախադրութիւն
    1. խորը, ներսը, ներ.
    2. կէս, միջին.
    3. ձաւարով, սոխով, իւղով, թթուով շինուած կերակուր.
    4. միջուկ։

Բաղադրեալ Բայեր

Մէջբերել

ներգործական բայ
1. նշել, յիշատակել.
2. մէջբերում կատարել խօսք՝ գրութիւն, իբրեւ փաստ՝ վկայութիւն, վկայակոչել:

Մէջ գալ

չէզոք բայ
1. յայտնուիլ, ցցուիլ.
2. ասպարէզ գալ:

Մէջէմէջ բաներ ըլլալ

չէզոք բայ խառն բաներ ընել:

Մէջէն ելլել

չէզոք բայ յաջողութեամբ վերջացնել կնճռոտ հարց մը (Հկռկ. մէջէն չելլել)։

Մէջէն մարդ ըլլալ

չէզոք բայ
1. ժողովին անդամակից ըլլալով՝ գաղտնիքներու տեղեակ մարդ ըլլալ.
2. գաղտնի գործակալ ըլլալ։

Մէջէն մարդ ունենալ

ներգործական բայ ժողովական կամ խմբակցական մարմինի մը մէջ ծանօթ կամ գաղափարակից մէկը ունենալ։

Մէջը առնել

ներգործական բայ
    1. սիրտին առնել, նեղուիլ.
    2. ներս առնել (տունի, խումբի, ընկերութեան մէջ).
    3. Ժողովի անդամակից ընել։

Մէջը բան մը ըլլալ

չէզոք բայ
1. արդիւնք՝ լուրջ հետեւանք ունենալ.
2. որոշ նպատակ հետապնդել:

Մէջը երթալ

չէզոք բայ կորսուիլ, կորսնցնել, փճանալ, մէջը տալ (խաղի մէջ)։

Մէջը իյնալ

չէզոք բայ միջամտել, խառնուիլ:

Մէջը խաղալ

չէզոք բայ ներգործական բայ ի զուր կորսուիլ վատնուիլ:

Մէջը մատ ունենալ

ներգործական բայ պատասխանատուութիւն՝ մեղսակցութիւն ունենալ:

Մէջը մարդ ունենալ

ներգործական բայ
1. ներկայացուցիչ ունենալ.
2. դաւակից՝ լրտես ունենալ:

Մէջը մնալ

չէզոք բայ
    1. պահպանուիլ.
    2. ուրիշին չփոխանցուիլ (գաղտնիք).
    3. չկարենալ անելէն դուրս գալ, չկարենալ լուծել։

Մէջը մտնել

չէզոք բայ
1. միջամտել, խառնուիլ.
2. միջնորդ ըլլալ, միջնորդել:

Մէջի մարդ ըլլալ

չէզոք բայ
1. միջնորդ մարդ ըլլալ.
2. խմբակի մը գործերում տեղեակ մարդ ըլլալ:

Մէջմէջի անցնիլ

չէզոք բայ խառնուիլ իրարու խառնուիլ:

Դարձուածքներ

Ընդմէջ

    1. միջին, մէջտեղ.
    2. միջնորդութեամբ.
    3. մէջը:

Ի մէջ, ի միջի

մէջ։

Ի միջի այլոց

ուրիշ բաներու՝ ուրիշներու կարգին։

Մէջառմէջ

երբեմն-երբեմն, մերթ ընդ մերթ։

Մէջընդմէջ

ատեն ատեն, ընդհատումով:

Մէջէմէջ

մէջընդմէջ:

Մէջը փուճ

1. միջուկը փճացած.
2. անպէտք, դատարկամիտ (մարդ)։

Մէջ եւ միջեւ նախադրութիւնները սխալ գործածութիւն ունին մեր մէջ: Մէջը կապ ունի մարդու մը՝ իրի մը՝ երեւոյթի մը ներաշխարհին հետ. իսկ միջեւը ցոյց կու տայ իրերու՝ երեւոյթներու յարաբերութիւնը. օրինակ՝ երկուքին մէջ ալ կար հաշտութեան միտում մը, բայց երկուքին միջեւ գտնուած անջրպետը այնքան լայն էր՝ որ դժուար էր զանոնք հաշտեցնել։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1492

Neu!

(beta)

ՄԷՋԲԵՐԵԼ